အချစ်ဆုံး ဂတုံးမ
နင့်ဂေါင်းထက်မှာ
အနာဖီးတိထ
ဝဲချီးခြူနိန်စွာက
ကြယ်စုံညပိုင်
ကြည့်လို့ လှရေ…၊
အချစ်ဆုံး ဂတုံးမ
နင့်အပြုံးက
မိုနာလီဇာထိုင်ငို
ချီးတိယိုလားအောင်
ဖြူစင်ပြောင်လက်
အရောင်ထရေ..၊
အချစ်ဆုံး ဂတုံးမ
နင့်ဒဿနက
ပို့ စ်မော်ဒန်ကဗျာတိထဲက
နိမိတ်ပုံပြစကားလုံးတိပိုင်
အဓိပ္ပါယ်ဖော်ရခက်တေ…၊
အချစ်ဆုံး ဂတုံးမ
နင့်မျက်လုံးက
စိုးမဲကျီပတ္တမြားပိုင်
ပြည်တန်စူးရှ
တန်ဖိုးပြည့်ဝရေ…၊
အချစ်ဆုံး ဂတုံးမ
နင်နန့် ငါ
အရက်တိယစ်ပနာ
ရှုခင်းသာတန်းထားထက်မှာ
မိုးတလင်း ငြင်းပစ်လိုက်ကတ်စွာ
ကုလားတန်မြစ်ဝ ပပွဆူ
ဆူနာမီတိ ဖြစ်လားခယင့်..၊
မိုးသီးပေါက်တိကြွီကျ
မိုးကြိုးပစ်ချရေ
ဒေပိုင်အချိန်
ထိန်းမနိုင်သိမ်းမရ
သတိရရေ
ဘ၀ခြားလားရေ ဂတုံးမချေ.....။ ။ ။
Subscribe to:
Post Comments (Atom)
0 comments:
Post a Comment