လမ်းသစ်နန့် လမ်းဟောင်းကြားက ဒွိဟ

လမ်းဟောင်းကိုစွန့် ခွါကတ်တေခါ လမ်းသစ်မှာ ကြုံလာရဖို့  အခက်အခဲ အတားအဆီး စိန်ခေါ်မှု အားစမ်းမှု ပတ်ဝန်းကျင်ကတိုက်ခတ်လာရေ လှိုင်းဒဏ်လီဒဏ်တိကို ခံနိုင်ရည်မဟိကေ ဖိအားတွန်းအားတိနန့် ရင်ဆိုင်ရပနာ ထိုမရောက်ဒေမရောက် လမ်းပျောက်လားတတ်တေ။ စိတ်ခွန်အားကို ပြည့်ဝအောင်လုပ်ထား ရပ်တည်မှုခိုင်ခိုင်မာမာနန့်  မလျော့ရေဇွဲကို ကိုင်ပနာလားခါမှ မျှော်မှန်းရေပန်းဖူးကို ရောက်နိုင်ဖို့ ။

ကမ္ဘာကြီးက ရပ်လို့ မနိန်ရေပိုင် လူတိလေ့ ပြောင်းနိန်ကတ်တေ။ အပြောင်းအလဲ အလှည့်အပြောင်းတိဆိုစွာ လူတိနန့်  ရင်းနှီးကျွမ်းဝင်ပြီးသား မိတ်ဆွေကောင်းတိဖြစ်ပါလတ်တေ။ ဒေပိုင် အခြေအနေတိအောက်မှာ တချို့ က အဟောင်းကို ချန်ထားပနာ အသစ်ဘားကို ဦးတည်ပြီးကေ လားကတ်တေ။ တချို့ က အဟောင်းထဲမှာ နစ်မြှပ်ပနာ ဘ၀ဆုံးလားကတ်တေ။ တချို့ က အဟောင်းထက် ပိုလို့ ဟောင်းရေ နိန်ရာကို ရွိလားနိန်ကတ်တေ။

သေချာနိန်စွာတစ်ခုက အချေခါဝတ်ခရေ အကျီင်္တိကို ကြီးခါ ပြန်ဝတ်လို့ မရရေပိုင် အသစ်ဆိုစွာ လစ်လျူရှူပစ်ပယ်ထား
လို့ ရရေ အရာမဟုတ်။ အသစ်နန့် မတွိချင်ပါ ပုန်းလို့ နိန်ပါဖို့ ဆိုကေတောင် အသစ်က အိမ်ထဲထိဝင်လာနိုင်ရေ။

ခြင်ချေတစ်ကောင်ကိုက်တေဒဏ် ပုရွက်စိတ်ချေတစ်ကောင်ကိုက်တေဒဏ်ကို မခံနိုင်လို့  လမ်းတစ်ပိုင်းမှာ
ကျန်လိုက်ဖို့  ဗျာယ် ရှိဆက်လို့ မလားနိုင်ဗျာယ် ဆိုခြင်းရေ အသစ်ကိုလိုချင်ရေ ကိုယ့်ယုံကြည်မှုကို အသီသတ်လိုက်ခြင်းပင် ဖြစ်တေ။

ဝီခွဲမရဒွိဟဖြစ်မှုက လူ့ စိတ်တစ်နိန်ရာမှာ ဟိနိန်တတ်တေ ခံစားချက်တစ်မျိုး။ ဒေခံစားချက်ကို အသိတရားနန့်  ဆီးပြီးခါမှ
သန့် ယှင်းလတ်ဆတ်တေ အမြင်နန့်  ရှိဆက်လားဖို့ ခရီးကို လှမ်းမြင်နိုင်ပါဖို့ ။

ခေတ်သစ်အိုင်တီဘလော့ဂ်စာမျက်နှာတိထက်က ရခိုင့်စာပီလှုပ်ယှားမှုစွာ ခါးဆက်အဖြတ်ခံထားရရေ အညွန့် ချိုး ခံထားရရေ ရခိုင်စာပီအပင်ကြီးပြန်ရှင်လာဖို့  မြီသြဇာ အားဆီးတစ်ခွက်ဖြစ်ပါလတ်တေ။ အေပိုင်အချိန်ကာလမှာ ဒေအပင်ကြီးရှင်သန်လာဖို့  အားလုံးဝိုင်းဝန်းပြုစုပျိုးထောင်ပီးမှုက လိုအပ်တေ။ အားစုံခါမှ အပင်လှပါဖို့ ။ ရွက်နုချေတိထွက် အပွင့်ချေတိပွင့်ပနာ အနံ့ ချေတိသင်းပျံ့ မွှီးကြိုင်လာပါဖို့ ။ တက်ညီလက်ညီ ကလောင်ချေတိစုံပနာ မိုးဒဏ် လီဒဏ် လှိုင်းဒဏ်တိကို ခုံခံကာကွယ်ပြီးကေ ရခိုင်စာပီအပင်ကြီးကို ၀ိုင်းရံပံ့ပိုးပီးလားကတ်ပါမေ။

ရခိုင်သားတိ မကဇတ်တတ်တေ ဂိမ်း

လူ့ အဖွဲ့ အစည်းဆိုစွာ မတည့်ရေလူတိ အတူတူနိန်ကတ်တေ အသိုက်အမြုံတစ်ခုရာ ဖြစ်တေ။ ယင်းအတွက်နန့်  နိုင်ငံရေးလူမှုရေးပြဿနာတိကို ဖြေယှင်းကတ်တေခါ မတူရေရှုထောင့်အမြင်အယူအဆတိကို ညှိနှိုင်းတိုင်ပင်ဆွေးနွေးပေါင်းစပ်ပနာ
လူ့ အဖွဲ့ အစည်းအတွက် ဇာချင့်ရေ အကောင်းဆုံးအဖြေဖြစ်ဖို့ လဲ ဆိုစွာကို ဆုံးဖြတ်ကတ်ရရေ။

အကျယ်ချဲ့ ပြောရဖို့ ဆိုကေ နိုင်ငံရေးလူမှုရေးဆိုစွာ ဘောလုံးကဇတ်တေပိုင် ဂိမ်းတစ်ခုကဇတ်စွာနန့် လားတူရေ။ အတွေးအခေါ်မတူရေ လူတိ ကိုယ့်နိန်ရာမှာ ကိုယ်နိန်လို့  ကိုယ့်အလုပ်ကိုယ့်တာဝန်ကို အကောင်အထည်ဖော်ပြီးကေ အပီးအယူတိလုပ်ပနာ အချိတ်အဆက်လုပ်ပြီးကေ ကဇတ်ရရေ ဂိမ်းတစ်ခုဖြစ်ပါရေ။ အေပိုင် ဂိမ်းကို ကဇတ်ချင်ကေ ပထမဆုံးထား
ရဖို့ စိတ်ဓါတ်ချေက အသင်းသားစိတ်ဓါတ် (၀ါ) ငါရို့ တိစွာ ဘက်တစ်ဘက်တည်းမှာ ဟိနိန်ရေလူတိလို့  ခံယူသိဟိနားလည်ထားရရေ အသိစိတ်ပင်ဖြစ်ပါရေ။ အသင်းထဲမှာ တစ်ယောက်ပဲ့ထွက်လားစွာနန့်  တစ်သင်းလုံးဒုက္ခရောက်တတ်တေ ဆိုရေ အသိ... ယေပြီးကေ ကိုယ့်အဖွဲ့ ထဲမှာ တစ်ယောက်နန့် တစ်ယောက် ဖိုက်နိန်ကတ်ကေ တစ်သင်းလုံးအယှုံးပေါ်ပနာ အိမ်ပြန်မလှဖြစ်ကတ်ရရေ ဆိုရေ သဘောတရားကို အောက်ခြီကျကျယုံကြည်ထားခါမှ ယင်းအသင်းစွာ ပန်းတိုင်ကိုအရောက်လှမ်းလားနိုင်ဖို့  ညီညွတ်ရေး ဆိုရေ စွမ်းအားကို ရဟိလာနိုင်ပါရေ။ ငါရို့ စွာပြိုင်ဖက်တိမဟုတ် ငါရို့ စွာ ရန်သူတိမဟုတ် ဆိုရေ အတွေးအခေါ်ကို အခြီခံကျကျအကောင်အထည်ဖော်ကျင့်သုံးနိုင်ရေ လူတိစွာ နိုင်ငံရေးလူမှုရေးဂိမ်းတိကို ချန်ပီယံတိထိုင်ငိုချင်စိတ်ပေါက်လားအောင် ကျွမ်းကျွမ်းကျင်ကျင် ကဇတ်တတ်ကတ်ပါရေ။

မ၀ီးသိမ့်ရေ အတိတ်ခြီရာကို ပြန်လှန်ကြည့်ရဖို့ ဆိုကေ ဗမာတိ ကားလ်မားဇ် (Karl Marx) လီနင် (Lenin) မော်စီတုံး (Mao Zedong) ရို့ ဘားက အယူဝါဒတိကို ကော်ပီကူးယူပြီးကေ ကိုယ်ပိုင်လမ်းစိုင်လုပ်ပနာ ဗမာပြည်ကွန်မြူနစ်ပါတီထောင်ရေ။ ယင်းပါတီလက်အောက်မှာ ရခိုင်သားတိကို အရက်ဝယ်ကြက်ဖမ်း ခိုင်းစားလို့ ရအောင် အဖွဲ့ ချေထောင်ပီးထားရေ။ ကကောင်းမကြာလိုက်။ အလံနီ အလံဖြူကွဲပြီးကေ ဗမာဘားမှာ အရက်ဝယ်ကြက်ဖမ်းဆီဆွတ်နိန်ရေ ရခိုင်သားကွန်မြူနစ်တိ အချင်းချင်းတိုက်ကတ်တေ။ သတ်ကတ်တေ။ နောက်ဆုံးအဖြေက ရခိုင်သားတိသီရေ။ ရခိုင်ပြည် ထထွက်ကြီရေ။ ရခိုင်သား
ရို့ ကိုယ်ပိုင်ဂိမ်း အမျိုးသားနိုင်ငံရေးလမ်းကြောင်း ပျောက်လားခရေ။

၁၉၈၈ ကပင် အဂု ၂၀၀၉ ခုနှစ်ထိ ဗမာတိကဇတ်နိန်ရေ ဂိမ်းက ဒီမိုကရေစီအရီခြုံပနာ စတုတ္ထဗမာအင်ပါယာထူထောင်ရေးဂိမ်း ဖြစ်နိန်စွာကို တွိရရေ။ ဗမာတိ ကဇတ်နိန်ရေ အေဂိမ်းက ပညာသားပါရေ။ အကွက်စိရေ။ တော်ရုံတန်ရုံလူတိဆိုကေ
အေသူရို့ ကဇတ်နိန်ရေ ဂိမ်းနန့်  မဟာဗျူဟာနည်းဗျူဟာတိကို ကြည့်လို့ မြင်နိုင်ဖို့ မဟုတ်။ အေ ဂိမ်းကဇတ်လို့  ဗမာတိဇာချင့်ရလားလဲဆိုစွာကို လက်တွိကျကျသိချင်ကေ ရခိုင်ပြည်က ရန်ကုန်ကို တောင်ကုတ်လမ်းအတိုင်းကားစီးပြီးကေ လားကြည့်ပါ။ ရိုးတောင်ထိပ်မှာ ရခိုင်ပြည်နယ်နမိတ်ကျော်လို့  ဗမာပြည်ဖက်ကို ရောက်စွာနန့်  ဗမာတိကဇတ်နိန်ရေ ဂိမ်း၏အကျိုးရလဒ်ကို သိမြင်လားနိုင်ပါရေ။ အေထက်ပိုသိချင်ကေ အညာဖက်ကိုလားပနာ ရခိုင်ပြည်က ရရေဖေးသာနန့်  ဆောက်ထားရေ ရီလှောင်တာတမံဆည်ကြီးတိကို လားကြည့်လိုက်ပါ။ အမြင်ချေတိ ယှင်းလားနိုင်ပါရေ။

ဗမာတိကဇတ်နိန်ရေ နိုင်ငံရေးဂိမ်းကို စောစောစီးစီးသဘောပေါက်လားခရေ လူမျိုးက “၀” လူမျိုးပင်ဖြစ်ပါရေ။ “၀” တိစွာ ဗမာကွန်မြူနစ်တိနန့် ပေါင်းကြည့်ခရေ။ ယင်းအတွက်နန့်  ဗမာတိအမျိုးသားအကျိုးစီးပွါးစွာ ဇာချင့်လဲ ဇာပိုင်ဦးတည်ချက်တိထားပနာလားနိန်ကတ်လဲဆိုစွာကို အရိပ်ကျပနာ အသာချေလမ်းခွဲပြီးကေ ကိုယ့်လမ်းကြောင်းအတိုင်းကိုယ်လားခကတ်တေ။ အဂုဆိုကေ လူဦးရေ ငါးသိန်းကျော်လောက်ရာဟိရေ “၀” လူမျိုးနန့် “၀”ပြည်စွာ မြန်မာနိုင်ငံထဲက သီးခြားလွတ်လပ်တေ တိုင်းပြည်ချေတစ်ပြည်လို့  ပြောကတ်ရပါဖို့ ။

အစိုင်ပျက်လာရေ ရခိုင်သားတိက အဂုထက်ထိ ကိုယ်ပိုင်နိုင်ငံရေးဂိမ်းကို ကဇတ်ဖို့ မတတ်သိမ့်လို့ ပြောကေ လွန်လီဖို့ မထင်ပါ။ ဗမာတိနောက်ကိုလိုက်ပနာ ကိုယ့်စွာကိုယ် အမြင်ကျယ်ရေလို့ ထင်နိန်ကတ်တေ ရခိုင်သားတိကလေ့ အများကြီး။ ဂိမ်း၏သဘောသဘာဝနန့်  လိုက်နာကျင့်သုံးရဖို့  စည်းမျဉ်းကျင့်ဝတ်တိကို မသိရေ ယောင်ခြောက်ဆယ်တိပါနိန်ခြင်းက
ရခိုင်ရို့ နိုင်ငံရေးစွာ ကြည့်လို့ မကောင်းရေ ဂိမ်းပျက်တစ်ခုဖြစ်နိန်ရေ။ ပိုဆိုးနိန်စွာက ထိုလူ့ ကိုမကောင်းပြော ဒေလူ့ ကို မကောင်းပြော ရခိုင်သားအချင်းချင်းကြားမှာ မနာလိုကြီးကျလို့ အားမရသိမ့် ရခိုင်အကြောင်းကို ဗမာတိဘားမှာ လားပြီးကေ သတော်ဦးတင်သိမ့်ရေ ရခိုင်မသားတိကလေ့ တပုံကြီး။

ပိုင်ပိုင်နိုင်နိုင် ကျွမ်းကျွမ်းကျင်ကျင် နိုင်ငံရေးဂိမ်းသစ်တစ်ခုကို ကဇတ်နိုင်ဖို့  ရခိုင်သားတိမှာ ဇာချင့်တိလိုအပ်နိန်လဲ။ သေချာနိန်စွာက ဘောလုံးအသင်းတစ်သင်းအင်အားတောင့်ဖို့  ဘောလုံးသမားကောင်းတိ လိုအပ်တေပိုင် နိုင်ငံရေးဂိမ်းကို ကဇတ်ဖို့  နိုင်ငံရေးသမားကောင်းတိအများကြီးလိုအပ်တေ။ ဘောလုံးသမားကို အချေကပင် ပြုစုပျိုးထောင်မွီးမြူရရေပိုင် နိုင်ငံရေးသမားတိလေ့ အတူတူဗျာယ်။ အမျိုးသားအကျိုးစီးပွါးကိုကြည့်ပနာ ကိုယ့်အချင်းချင်းထိခိုက်နစ်နာလားအောင်မလုပ်ရ အသင်းသားစိတ်ဓါတ်အပြည့်အ၀ဟိရဖို့ ဆိုရေ ခံယူချက်ယုံကြည်ချက်နန့်  တစ်ယောက်ကိုတစ်ယောက် မဟိမဖြစ်လိုအပ်တေ နိုင်ငံရေးဂိမ်းကဇတ်ဖော်ကဇတ်ဖက်လို့  သဘောထားနိုင်ကေ အနာဂတ်မှာ ရခိုင်သားတိ ဇာဂိမ်းကိုမဆို ကဇတ်ဖို့  အဆင်သင့်ဖြစ်လာနိုင်စွာက ကျိန်းသီနိန်ပါရေ။

သင်္ခါရကို သီဒဏ်ချလိုက်တေလူ အသူလဲ...

ပစ္စည်းသင်္ခါရ
လူသင်္ခါရ
အေအမ်ပီမှာ
မန်ဘာဖြစ်ရစွာလေ့ သင်္ခါရ...၊


နိန့် မြင်ညဥ့်ပျောက်
အနုချေတိထွက်လာကေ
ဆိတ်ပဇထဲကိုရောက်...၊


အိတ်ပေါက်နန့် ဖားကောက်
ကိုယ့်ဖောက်တေလမ်းကို ကိုယ်ဖျောက်
မာနတိနန့် နဖူးမောက်
မောဟကိုသောက်ပနာ ဒုံးဘောက်ဆောက်....၊


ပြောလိုက်ကေ စကားကြီး
လုပ်လိုက်ကေ ခွီးချီးပိုင်
အနံ့ ချေကတလှိုင်လှိုင်...၊


ကိုယ့်အပြစ်ကို ကိုယ်မမြင်
အာဏာအတုကို ဆရာတင်
ဘ၀င်လီဟပ်
သူ့ လုပ်ရပ်ကို မှန်ရေလတ်
လူတိက၀ိုင်းရယ်ကတ်.....၊


ဟီးဟီး ဟားဟား
ဟီးဟီး ဟား
လူကြားလို့  မကောင်းပါဂါး..။ ။ ။

“အချစ်ဒုက္ခသည်”

ရိုးမတောင်ကြီးလောက်ချစ်ကေလေ့
ဆီးစိချေလောက်
ငါ့အချစ်ကို နင်နားမလည်...၊


ကမ္ဘာကြီးကို မျိုပြ
ရင်ကအချစ်ကို
ဦးမောင်သိန်းတေးခြင်းဆိုပနာ
ငိုလို့ ပြကေလေ့
လရောင်ပိုင် လူပျက်လုပ်နိန်ရေလို့ 
နင့်က ငါ့ကို ထင်ရေ...၊


မွန်းရေ ညိုချေ
ဘင်္ဂလားပင်လယ်အော်က
ရီတိအားလုံးကို
သောက်ထားရရေပိုင်ဗျာယ်
ငါ့ဝမ်းက
အချစ်တိနန့် ဖဖူးရောင်
ဝမ်းကြီးသည်မတောင်
ဆရာခေါ်လောက်တေ...၊


ဘ၀မှာ
ရက်ပေါင်းသုံးသောင်းကျော်ရာ
ပိုင်ဆိုင်ရကေလေ့
စစ်တွေမြို့ လမ်းမကြီးမှာ
နင့်ကို လိုက်ကောနိန်ရစွာ
ရက်ပေါင်းသုံးထောင်ကျော်လားခဗျာယ်...၊


နှလုံးသားကမ်းစပ်မှာ
အချစ်ကျောက်ဆောင်တိ
အပြုံးပန်းနန့် ကြိုနိန်ကေလေ့
နင့်အကြင်နာလှိုင်းက
တစ်ခါလေ့ သတင်းလာမမိန်း...၊


အောင့်ရေ ညိုချေ
ရင်ဖတ်ထဲက
အချစ်စပါးခင်း
ဝင်းပလို့ ရင့်မှည့်နိန်ကေလေ့
နင့်ကလာလို့ မရိတ်ပီးဂါ..၊


နင့်အိမ်ရှိမှာ
ဂီတာတဒေါင်ဒေါင်နန့် 
ဘီလူးတစ်ကောင်
ကြောင်နိန်ဗျာယ် လတ်
လူတိကပြောနိန်ကတ်တေ...။ ။ ။

ဂိုဏ်းသုံးဂိုဏ်းနန့်  ရခိုင်ရို့ အရှုပ်တော်ပုံ

ပြည်ပမှာဟိကတ်တေ ရခိုင်လူမှုအသိုင်းအ၀ိုင်းနန့် နိုင်ငံရေးနယ်ပယ်ထဲမှာ သူရို့ အယူအဆနန့် သူရို့  ယုံကြည်လက်ခံကျင့်သုံးပနာ
အုပ်စုဖွဲ့ လားနိန်ကတ်တေ ဂိုဏ်းသုံးဂိုဏ်းဟိရေ။

ပထမဂိုဏ်းက ကုလားတိုက်ဖျက်ရေးဂိုဏ်း။ ဒေဂိုဏ်း၏၀ါဒက ဗမာနန့် ပေါင်းပြီးကေ ကုလားကိုတိုက်လားဖို့ ။ ယင်းအတွက်နန့်  ဒေဂိုဏ်းစွာ နအဖဗမာစစ်အုပ်စုကို လုံးဝမဝေဖန် ဗမာစစ်အုပ်စုမကြိုက်တေ နိုင်ငံရေးကိုလေ့ မလုပ်။ လူမှုရေးလို့  ဂေါင်းစိုင်တပ်ထားပြီးကေ ကုလား
ဆန့် ကျင်ရေးကို စာတိရီးလို့ တမျိုး အိန်တာနက်ထက်မှာ တစ်ဖုံ တိုက်ကွက်အမျိုးမျိုးဖော်ပနာ လက်စွမ်းပြနိန်ကတ်တေ။

ဒုတိယဂိုဏ်းက ကုလားနန့် ပေါင်းပြီးကေ ဗမာစစ်အုပ်စုကိုတော်လှန်ရေးဂိုဏ်း။ ဒေဂိုဏ်း၏၀ါဒက ဗမာတိ ရခိုင်ပြည်ကို စစ်ကိုလိုနီစနစ်
နန့် ဂုတ်သွီးစုပ်ကျွန်လုပ်နိန်စွာကို ကုလားနန့် ပေါင်းပနာ တော်လှန်လားရေးဆိုရေ မူလမ်းစိုင်ပင်ဖြစ်တေ။ အယင်ခါ
ရခိုင်ရို့ သမိုင်းမှာ ရခိုင်ဘုရင်မင်းစောမွန်စွာ ကုလားနန့် ပေါင်းပြီးကေ ဗမာကိုတိုက်ပနာ ရခိုင်ပြည်ကိုပြန်
လို့ သိမ်းပိုက်နိုင်ခစွာကိုထောက်ပြပြီးကေ ဒေဂိုဏ်းက ရခိုင်သားတိကို စည်းရုံးရေ။

တတိယဂိုဏ်းက ဖယ်ဒရယ်ဂိုဏ်း။ ဒေဂိုဏ်း၏၀ါဒက လူမျိုးပေါင်းစုံဟိရေ မြန်မာနိုင်ငံကို ဖယ်ဒရယ်တိုင်းပြည်တည်ဆောက်လားရေး ပင်ဖြစ်တေ။ နအဖဗမာစစ်ဝါဒီတိနန့် သုံးပွင့်ဆိုင်တွိဆုံဆွေးနွေးရေးစွာ ဒေဂိုဏ်းသားတိ ပြောနိန်ကျစကား။ ဒေဂိုဏ်းဂေါင်းဆောင်တိစွာ အမှန်တကယ်က ဖယ်ဒရယ်ဝါဒကို သိလို့ နားလည်လို့ ယုံကြည်လို့ တော့ မဟုတ်။ ဖယ်ဒရယ် အကြမ်းမဖက် လက်နက်မကိုင် ငြိမ်းချမ်းရေးလို့  အော်ကေ အန်ဂျီအိုတိက ပရောဂျတ်တိရပနာ ဖေးသာတပြားတချပ်ရကတ်
လို့  ဒေပိုင်အော်နိန်ရခြင်း ဖြစ်တေ။

ဒေဂိုဏ်းတိ၏ အားနည်းချက်က လုပ်ချင်စွာတိများပြီးကေ လုပ်နိုင်စွာတိနည်းပနာ ရခိုင်စာကိုမရီး အိန်စတီကျူးရှန်းတည်ဆောက်ရေးကို အားမပီး အနာဂတ်စီမံကိန်းနန့်  ရှိဆက်ပြီးကေ ဇာပိုင်လုပ်လားကတ်ဖို့ ဆိုရေ လုပ်ငန်းစိုင်တိမဟိခြင်း ပင်ဖြစ်တေ။ ယင်းအတွက်နန့်  အေဂိုဏ်းတိစွာ ရခိုင်သားတိ အားကိုးအားထားပြုလောက်တေ ပရိုဖက်ရှန်နယ်အဖွဲ့ အစည်းကြီးတိဖြစ်မလာပဲ အေအိုင်ဒီအက်စ်ရောဂါသည်တိပိုင် တဖြည်းဖြည်း
နန့် လုံးပါးပါးပနာ နိဂုံးချူပ်ဇာတ်သိမ်းလားဖို့ အဆင့်ကို ရောက်ပါလတ်တေ။ ပိုဆိုးနိန်စွာက the clash of ignorance (အသိဥာဏ်မဲ့ခြင်းများ အချင်းချင်းပွန်းတိုက်ခြင်း) လို့  ပြောနိုင်ရေ ရခိုင်အချင်းချင်း ပုဂ္ဂိုလ်ရေးတိုက်ခိုက် ရခိုင်အဖွဲ့ တိအချင်းချင်းတိုက် တစ်ယောက်တည်းကျင်ကိုင် တစ်သင်းတည်းဘောလုံးကဇတ်ပြီးကေ ကိုယ့်ဂိုးကို ကိုယ်သွင်းပနာ အောင်ပွဲခံနိန်ကတ်ခြင်းပင် ဖြစ်တေ။

ဒေပိုင် ကိုယ့်ပတ်ဝန်းကျင်မှာ ဖြစ်ပျက်နိန်ရေ အခြေအနေဆိုးကို မြင်ပနာ မျိုးဆက်သစ်တိ သွီးမလန့် လားစီဖို့ လိုအပ်တေ။ အနာဂတ်စွာ ရင်လီး
ဖို့ ကောင်းပါရေဝေ ဆိုရေ စကားကိုပြောပနာ ကိုယ့်ကိုယ်ကိုနှစ်သိမ့်ကျေနပ်လိုက်ကတ်စွာကလေ့ လမ်းမှန်မဟုတ်လို့ ထင်ရေ။

အဂုပိုင် ပြဿနာတိအားလုံးအတွက် အဖြေက တစ်ခုတည်းရာဟိရေလို့  ယူဆမိရေ။ ယင်းအဖြေက လူသားရင်းမြစ်နန့်  အရင်းအနှီးတိ
ဖွံ့ ဖြိုးလာရေး Human Capital and Resource Development ပင် ဖြစ်တေ။ ပွင့်ပွင့်လင်းလင်းပြောရဖို့  ဆိုကေ ရခိုင်မျိုးဆက်သစ်အချေတိ အထက်ကပြောခရေဂိုဏ်းတိနောက်ကိုလိုက်ပနာ အရက်ဝယ်ကြက်ဖမ်းလိုက်လုပ်နိန်ကေ တစ်ယောက်အတွက်လေ့ အကျိုးဖြစ်မလာပဲ ကိုယ့်ဘ၀ကိုကိုယ်လားဖျက်စွာနန့် တူနိန်ပါဖို့ ။ လုပ်သင့်စွာက လူစွမ်းလူစဟိလာအောင် တန်ဖိုးဟိရေ လူတိဖြစ်လာအောင် ကိုယ့်ဒူးကိုယ်ချွန် ကိုယ့်အစွမ်းအစကို ကိုယ်မြှင့်တင် ကိုယ့်အားကိုယ်ကိုးခြင်းကို အကောင်အထည်ဖော်ခြင်းကရာ သွီးစစ်တေလုပ်ဆောင်ချက်တိ ဖြစ်လာပါဖို့ ။ အနာဂတ်မှာ ရခိုင်ရို့ လူ့ ဘောင် တောက်ပြောင်လာဖို့  အရည်အချင်းအရည်အသွီးတိပြည့်ဝရေ စွမ်းရည်ဟိရေ မျိုးဆက်သစ်တိလိုအပ်နိန်စွာကို
မမိန့် သင့်ပါ။

အေနိန်ရာမှာ ပြောချင်စွာတစ်ခုက မြောက်ဦးကဘီလူး နိုင်ငံရေးအကြောင်း တော်လှန်ရေးအကြောင်းကို ပြောလိုက်မိစွာနန့်  နောက်ကလိုက်ဖို့  အဆင်သင့်ဟိရေလို့  ပြောလာကတ်တေ အေအမ်ပီအဖွဲ့ ဝင်တိကို တွိလာရရေ။ ရရိုးသသားပြောရဖို့ ဆိုကေ ဘီလူးစွာ မဆလပါတီ ကွန်မြူနစ်ပါတီတိပိုင် ဂိုဏ်းထောင်စွာကို မကြိုက်။ ထိုနာမေ ဒေနာမေတပ်ပနာ အဖွဲ့ တိထောင်ပြီးကေ
ဥက္ကဌလုပ်ဖို့  ဆိုရေ အတွေးအခေါ်မျိုးကို ပိုလို့ တောင် ရွံသိမ့်ရေ။ ယင်းပိုင်လူတိကို မြင်ရကေ အန်ပါအန်ချင်ရေ။

ဘီလူးဝါဒက “ နိုင်ငံရေးတော်လှန်ရေးစကားလုံးအကြီးသန်တိ မပြောခင် ရခိုင်စာကိုတတ်အောင်သင် ရခိုင်စာကို ရီး”။ ရခိုင်သားရခိုင်သမတိုင်းစွာ ရခိုင်ရို့ လူ့ ဘောင်အတွက် အားလုံးသူဂေါင်းဆောင်တိ။ လူမျိုးတမျိုးစွာ တခြားလူမျိုးတမျိုး၏ သွီးစုပ်အုပ်ချူပ်ကျွန်လုပ်ခံနိန်ရခြင်းက လွတ်လပ်ဖို့  အအုပ်ချူပ်ခံလူမျိုးထဲက လူတိုင်းစွာ တော်လှန်ပြည်သူဖြစ်နိန်ကတ်ရပါဖို့ ။ လူတိုင်းစွာ နိုင်ငံရေးတော်လှန်ရေးအသိစိတ်နိုးကြားနိန်ကတ်ရပါဖို့ ။ မူလလူ့ ဘောင်ကို အခြီခံပြီးကေ တော်လှန်ရေးနိုင်ငံရေးကို တည်ဆောက်ကတ်ရပါဖို့ ။ ပြည်ပကို ရောက်နိန်ကတ်တေ လူတိက ပြည်ထဲကလူတိကို စိတ်ပိုင်းရုပ်ပိုင်းဆိုင်ရာ ၀ိုင်းရံအားပီးကတ်ရ
ပါဖို့ ။ ယေမှရာ သွီးစစ်တေ တော်လှန်ရေးနန့် လွတ်လပ်လမ်းထက်မှာ ငြိမ်းချမ်းရေပန်းတိုင်ကို အရောက်လှမ်းလားနိုင်ပါဖို့ ။

နိဂုံးချူပ်ပြောရဖို့ ဆိုကေ ရခိုင်မျိုးဆက်သစ်အချေတိ ရခိုင်စာကိုသင် ကိုယ့်စွမ်းကိုယ်စကိုမြှင့်တင် ကိုယ်ပိုင်အသိဥာဏ်
နန့် ဆင်ခြင်တုံတရားကို မြင့်အောင်လုပ်ကတ်ပါလို့ ရာ တိုက်တွန်းချင်ပါရေ။ ။ ။

မော်ဒန်တော်လှန်ရေး

မဲဆောက်မြို့  ဇိမ်ခန်းထဲက
ထွက်ကျလာရေ
ရခိုင်ပြည်တော်လှန်ရေး
ဘီယာပုလင်းထဲရောက်ပနာ
ပျောက်လားခရရေ...၊


ကရင်မြီတောစခန်းမှာ
ရခိုင်ပြည်လွတ်လပ်ရေးအတွက်
နှစ်ပေါင်းနှစ်ဆယ်ဝဒုတ်ချိုးစားလာရေ
ရခိုင်မျိုးချစ်တစ်ယောက်
ညဇာက ခြင်ကိုက်ခံရလို့ 
သီကျလားခရရေ....၊


“ဒိုနာတိလေ့
အယင်ပိုင်မဟုတ်ဗျာယ်
ပြည်ထဲကိုရာ လားချင်နိန်ကတ်တေ
တော်လှန်ရေးကို လုပ်စားရစွာ
ကကောင်းမလွယ်လိုက်ဗျာယ်
ဒေလမှာ အမြတ်မကျန်ပါထော”
ထာဝရဥက္ကဌ ခိုင်ဆယ်ခိုင် ပြောရေ
ရင်ဖွင့်စကား
ကြားရစွာ
ထွက်လာရေ ချီးတိပါ
ဖင်ထဲကို ပြန်ဝင်လားခရရေ...၊


မကြားဝံ့ မမြင်သာ
မျက်စိပါလို့ ရာ ဖတ်လိုက်ရရေ
ဖဲသာတစ်မတ် လူသုံးယောက်နန့် 
ရခိုင်စစ်တပ်က
နက်ဖြန်ခါ ရခိုင်ပြည်ကို
ဝင်သိမ်းပါဖို့ လတ်...။ ။ ။


ခိုင်မုန်တိုင်း
ငရဲပြည်


ဒိုနာ (Donor) = အလှူသျှင်

“စာပီတန်ဖိုးကို မြှင့်တင်လားကတ်ပါမေ”

လွန်ခရေ လေးငါးခြောက်နှစ်ပတ်ဝန်းကျင်ကဆိုကေ ရခိုင်သားတိကိုယ်ပိုင်လွှင့်တင်ထားရေ ၀ပ်ဆိုတ်တိက သုံးလေးခုလောက်ရာဟိခပါ ရေ။ အွင်လိုင်းမှာ တွိကတ်ဆုံကတ်ဆွေးနွေးလို့ ရရေ သတင်းအချက်အလက်တိဖလှယ်လို့ ရရေ ကွန်ယှက်တိကလေ့ အနည်းချေပါ။ ယင်းအချိန်က အဂုအေအမ်ပီပိုင် အဖွဲ့ ဝင်ပေါင်းသုံးထောင်ကျော်လောက်စုနိန်လာကတ်တေ ရခိုင်လူ့ ဘောင်သစ်ချေတစ်ခု အိန်တာနတ်မှာ ဖြစ်တည်လာဖို့ လို့  ယောင်လို့ ပင် အိမ်မက် မက်ဖူးခကတ်ဖို့ မဟုတ်ပါ။ ယေကေလေ့ မထင်ထားစွာတိ ဖြစ်တတ်တေ စက္ကန့် နန့် လိုက်ပနာ ပြောင်းလဲလာရေ ကမ္ဘာ့ရွာက သတင်းနည်းပညာလက်ဆောင်သစ်တိ တစ်ခုပြီးကေ တစ်ခုပီးနိန်လို့  မစိုင်းစားဝံ့ခရေ စိတ်ကူးချေတိက လက်တွိကိုယ်ရောင်ပြပနာ ကိုယ့်ကွန်ပြူတာရှိကို ရောက်ပါလတ်စွာကို တစ်ယောက်လေ့ ငြင်းလို့ ရလီ
ဖို့ မထင်ပါ။

အေအမ်ပီကို စပြီးကေ ဖန်တီးလိုက်တေ အချိန်က ရခိုင်နန့် ရခိုင်ကြားကဆက်သွယ်ရေးလမ်းမကြီးထက်မှာ ဖြတ်သန်းလားနိန်ကတ်တေ စကားလုံးတိထဲမှာ ရခိုင်ရို့ ဘာသာစာပီစကားလုံးတိက လူရာမ၀င်ခလို့  ပြောကေ မှားလီဖို့ မထင်ပါ။ ယေကေလေ့ ကိုယ်ပိုင်ဘာသာစကားကို နှစ်ပေါင်းငါးထောင်ကျော်သုံးလာကတ်တေ လူမျိုးတစ်မျိုးအတွက် ကိုယ်ရို့ အမင်ဘာသာစကားစာပီကို ကိုယ်ရို့ ပိုင်ရေနယ်ပယ်ရပ်ဝန်းမှာ မကြာရေအချိန်ကာလချေတခုအတွင်း ရှိတန်းတင်သုံးစွဲလာနိုင်ကတ်စွာက မှန်ကန်သွီးစစ်မြင့်မြတ်တေ ရွီးချယ်မှုနန့်  မျိုးရိုးစိုင်လာယိုင်ကျေးမှုအမွီအနှစ်တိကို လက်ဖြန့် ယူ ထိန်းသိမ်းလိုက်ခြင်းပင် ဖြစ်ပါရေ။

ပိုပြီးကေတောက်ပရေ စာမျက်နှာတိကိုချယ်သလာကတ်တေ နောက်ပိုင်း အေအမ်ပီရင်ပြင်ထက်မှာ ရခိုင်စာပီပန်းခင်းကြီးတစ်ခုပွင့်လာရေပိုင် အရောင်အသွီးကာလာစုံရေ ရက္ခစာပီအညွန့် အဖူးအငုံအပွင့်ချေတိ စိမ်းစိုပွင့်လန်းလာစွာကို တွိမြင်လာကတ်ရပါရေ။ နိုင်ငံရေးစာပီ၊ ဘာသာရေးစာပီ၊ ရသစာပီ၊ သုတစာပီ၊ သရော်စာ၊ ဝေဖန်ရေး၊ ဘာသာပြန်၊ လူမှုရေးစီးပွါးရေးသာရေးနာရေး၊ ခရီးလားမှတ်တမ်း၊ သတင်း စရေ အရီးအသားမျိုးစုံကို ဖန်တီးလာနိုင်ကတ်ခြင်း
ဖြန့် ဝီပီးလာနိုင်ကတ်ခြင်းက ခေတ်သစ်ရခိုင်အီလက်ထရွန်နခ်စာပီသစ် (Modern Arakanese Electronic Literature) တစ်ခုကို ဆွဲဆောင်မှုဟိဟိ ပီပီပြင်ပြင်ထင်ထင်ယှားယှား မော်ကွန်းတင်လမ်းသစ်ခင်းလိုက်နိုင်ခြင်းပင်ဖြစ်ကြောင်း ဖော်ပြနိန်ပါရေ။

အေပိုင်စာပီခရီးကို ချီတက်လားကတ်တေအချိန်မှာ ရွှီစစ်မစစ် မှတ်ကျောက်တိုက်ကြည့်ကတ်တေပိုင် စာပီစိတ်ဓါတ်ဇာလောက်ခိုင်မာမှုဟိလဲ ဆိုစွာကို စမ်းသပ်လာကတ်ဖို့ စွာက လောကသဘောလို့ ပြောကတ်ရပါဖို့ ။ စိန်ခေါ်မှုစွာ ရှိဆက်လားဖို့  တွန်းအားတစ်ခုဖြစ်တေပိုင် လုံ့ လကို အပြည့်ဖြည့်လို့  ယုံကြည်မှုဇွဲသတ္တိကို နှနှောင်းကိုင်ပနာ ခြီလှမ်းလှမ်းလားကေ အောင်မြင်မှုပန်းဖူးကိုမျှော်မှန်းထားကတ်တေအတိုင်း ဆွတ်ခူးလာနိုင်ဖို့ စွာက ကျိန်းသီနိန်ပါရေ။

အေထက်ပိုပြီးကေ စာကောင်းစာသန့် တိကို ရီးလာနိုင်ဖို့  ကြိုးစားအားထုတ်ကတ်ရဖို့ စွာက ရခိုင့်စာပီလှုပ်ယှားမှုထဲမှာ ဟိနိန်ကတ်တေ အားလုံးသူရို့ တာဝန်ပင်ဖြစ်ပါရေ။ ရခိုင်သားရို့ ရင်ဖတ်အ၀ီစိတွင်းနက်ထဲက စိမ့်ယိုထွက်ကျလာရေ စကားလုံးတိကို နှလုံးသွီးနန့် ဆီးပနာ လက်ထဲက ကလောင်နန့်  မော်ကွန်းထိုးကတ်ရဖို့ စွာက သမိုင်းကပီးရေ အလုပ်ပင်ဖြစ်ပါရေ။ အရီးအသားတိ များလာလီလီ စာပီက ပိုလို့ 
ကျယ်ပြန့် တန်ဖိုးဟိလာလီလီဖြစ်တတ်လို့  ရခိုင့်လူ့  ဘောင်အတွက် အသက်သွီးကြောဖြစ်တေ ရခိုင့်စာပီကို အေထက်ပိုပြီးကေ ဆန်းသစ်တောက်ပြောင်လာအောင် မြင့်မြတ်တေအမျိုးချစ်စိတ်နန့်  ဖန်တီးတည်ဆောက်လားကတ်ပါမေ။ ။ ။

ရခိုင်သမ ဖြူမချေ ရခိုင်စာကိုရီးကတ်မေ

မချေ
ရခိုင်သမဖြစ်ပြီးကေ
ရခိုင်ပိုင်မရီးတတ်ကေ
ကိုယ့်အမိအဖကိုလေ့စော်ကား
ကိုယ့်စွာကိုယ်လေ့ သိက္ခာချနိန်စွာနန့် 
တူနိန်ဖို့ ယေ....။


ရခိုင်တေးခြင်းတိနားထောင်
ရခိုင်ကဗျာတိကိုဖတ်
ရခိုင်ဝထုတိကိုခံစား
ရခိုင်သမနှလုံးသားနန့် 
ရခိုင်သားကိုချစ်တတ်ခါမှရာ
အမျိုးသီလနှစ်ဌါန
ပြည့်ဝမဏ္ဍိုင်
စောင့်ထိန်းနိုင်ဖို့ ယေ။


ကိုယ့်စကားကို ကိုယ်မလေးစား
ကိုယ့်စာပီကို ကိုယ်မသိ
ကိုယ့်ဘ၀ကို ကိုယ်မမြင်
ကိုယ့်သိက္ခာကို ကိုယ်အသိအမှတ်မပြု
ကိုယ့်အတွင်းစိတ်ကို ကိုယ်မလေ့လာကေ
လူဖြစ်ခြင်းအရသာ
ဇာလျှာနန့် လားပနာ
မြည်းကြည့်ဖို့ လဲ...။ ။ ။

“နှစ်ဖက်တီးမှ မြည်ရေ လက်ခုပ်”

ကြယ်တစ်စင်းနန့် 
အလင်းမဖြစ်တေ အာကာ…၊

သူရဲကောင်းတစ်ယောက်နန့် 
သမိုင်းမဖြစ်တေ ရာဇ၀င်စာမျက်နှာ…၊

လူတစ်ယောက်တည်းနန့် 
အိမ်ထောင်မဖြစ်တေ ဘ၀မှာ….၊

မင်းကငါ့ကိုမချစ်
နားလည်မှုအနှစ်မဟိကေ
ရင်ကဗလာ
နှလုံးသားအကာနန့် 
ငါ…
ဇာဒေါင့်ကြားမှာ
တဲထိုးပြီးကေ
လားနိန်ခီရဖို့ လဲ…။ ။ ။

ရခိုင်သားတိ ရန်ဖြစ်သင့်ရေ

ဒေကမ္ဘာမြီထက်မှာ လူတိစလို့  ဖြစ်လာခါကပင် သဘာဝတရားရာသီဥတုတိနန့် ရန်ဖြစ်ခကတ်တေ။ တောရိုင်းတိရိစ္ဆာန်တိ
နန့် ရန်ဖြစ်ခကတ်တေ။ နောက်ပိုင် လူအချင်းချင်းရန်ဖြစ်ကတ်တေ။ စစ်ပွဲတိဆိုစွာက ရန်ပွဲအကြီးစားတမျိုးပင် ဖြစ်တေ။ ရန်ဖြစ်ခြင်းက လူတိကို သီစီနိုင်ရေပိုင် အင်ပါယာတိ ပေါ်လာစွာလေ့ဟိရေ။ ပထမ
နန့် ဒုတိယကမ္ဘာစစ်ရန်ပွဲမှာ အမေရိကန်နိုင်ငံ ၀င်ပါလာပြီးရေနောက်ပိုင်းမှာ အမေရိကန်နိုင်ငံစွာ ကမ္ဘာ့ရွာသူကြီးဖြစ်ပါလတ်တေ။ ရန်သူကိုတိုက်ဖို့ လက်နက်တိတီထွင် နည်းပညာတိကြံဆလိုက်စွာ ကမ္ဘာ့အဖွံဖြိုးအတိုးတက်ဆုံး တိုင်းပြည်အမေရိကန်ဆိုပြီးကေ ဖြစ်လာရေ။

ဒင်္ဂါးတစ်ပြားမှာ ဟိရေ ထိုဖက်ဒေဖက်ခွါမရရေ မျောက်နန့် ပန်းပိုင် စစ်ပွဲနန့် ငြိမ်းချမ်းရေးစွာ ဒွန်တွဲနိန်ရေ။ ယင်းအတွက်နန့်  ရန်ပွဲတိကို ရင်မဆိုင်ဝံ့ပဲ ငြိမ်းချမ်းရေးတည်ဆောက်ဖို့ ဆိုစွာ လုံးဝမဖြစ်နိုင်။

အရေးကြီးဆုံးက ရန်ဖြစ်ခြင်းကို နားလည်ဖို့ ပင် ဖြစ်တေ။ ရန်ဖြစ်ခြင်းမှာ အနည်းဆုံးဘက်နှစ်ဘက်ဟိရရေ။ ပြိုင်ဖက် သို့ မဟုတ် ရန်သူဟိရရေ။ ရန်သူ၏အားနည်းချက် အားသာချက်ကို သိရရေ။ ရန်သူကို အနိုင်ရခါမှ ငြိမ်းချမ်းရေးဆိုစွာ တည်ဆောက်လို့ ရရေ။

ယင်းအတွက်နန့်  ငြိမ်းချမ်းရေးလိုချင်ရေ ရခိုင်သားတိုင်းစွာ ကိုယ့်ရန်သူအသူလဲဆိုစွာကို သိပနာ ရန်ဖြစ်သင့်ရေ။



မှတ်ချက်။ ။ အဂုက ရခိုင်သားတိစွာ ကိုယ့်ရန်သူဘားကို လားပနာ ဆီဆွတ်နိန်စွာက အဓိကပြဿနာဖြစ်နိန်ရေ။ ယင်းအတွက်နန့် 
ဘီလူးရို့ ဖင်ကချီးထွက်အောင် ပြောနိန်ရစွာပါ။ အချိန်တိပိုနိန်လို့  ပျော်ကြီးကျလို့  လက်တိအားနိန်လို့  လာပြီးကေ ခြစ်ပြရီးပြနိန်စွာမဟုတ်ကြောင်း တဖဲ့ချေလောက်နားလည်ပီးကတ်ပါ။

ကောလာဟလထောင်ချောက်

ငါရို့ တိကြီးပြင်းလာကတ်တေ ပတ်ဝန်းကျင်က ကောလာဟလတိနန့် ပြည့်နိန်ရေ။ အရပ်လေးမျက်နှာ ဇာနိန်ရာကိုပင် ခြီလှမ်း လှမ်းပနာ လားကြည့်လိုက် ကောလာဟလစကားချေတစ်ခွန်းလောက်တော့ကေ ကြားလာကတ်ရဖို့ စွာ ကျိန်းသီနိန်ရေ။ ဝေဖန်ဆန်းစစ်လက်ခံတတ်မှုနန့် ဆင်ခြင်တုံတရား အားနည်းနိန်ရေခါ ကောလာဟလထောင်ချောက်ကြီးထဲကို သိသိယင့်
နန့် လူးကျလားတတ်တေ။

အရေးကြီးဆုံးက ကောလာဟလ၏ရင်းမြစ်က ဇာချင့်လဲ..။ ကောလာဟလ ဇာကလာလဲ။ ဇာသူရို့ က ဒေ ကောလာဟလကို ဖန်တီးလဲ။ ဒေပိုင် မိန်းခွန်းတိ မိန်းပနာ ကောလာဟလကို ခွဲခြမ်းစိတ်ဖြာကြည့်နိုင်ကေ ကောလာဟလထောင်ချောက်မိခြင်းက လွတ်ကင်းနိုင်ဖို့ စွာ သေချာရေ။

ဒေနိန်ရာမှာ ကောလာဟလတစ်ခုကို ဝေဖန်ဆန်းစစ်သုံးသပ်စိတ်ဖြာကြည့်လားကတ်ပါမေ။ ဥပမာ- ဗမာအောက်သားတိက ပြောကတ်တေ “ရခိုင်သားတိစွာ အမြင်မကျယ် သဘောထားသေးသိမ်ရေ” လတ်။ အသိပညာကိုယ်ခံအားနည်းနိန်ရေ ရခိုင်သားတစ်ယောက်က ဒေစကားကိုကြားကေ ပထမစိတ်ထဲမှာ ငါရို့ လူမျိုးစွာ အမြင်မကျယ် သဘောထားသေးသိမ်ရေ လူမျိုးတစ်မျိုးလို့  သိမ်ငယ်စိတ်ဝင်လားပနာ အမှန်လို့ ထင်လားနိုင်ရေ။ ဒေါသကြီးတတ်တေ ရခိုင်သားတစ်ယောက်က ဒေစကားကိုကြားကေ လက်သီးလက်မောင်းတန်းကော်ဆဲပနာ အော်ကြီးဟစ်ကျယ် ပြောပြီးကေ မလိုလားအပ်တေ ပြဿနာတိ ဆက်တိုက်ဖြစ်လားနိုင်ရေ။ ယင်းအတွက်နန့်  ဒေစကားကို အသေးစိတ်လေ့လာမကြည့်မိကေ ဒေစကားကိုပြောရေ အောက်သားတိ၏အဓိကရည်ရွယ်ချက်မြှားဦးဖြစ်တေ ရခိုင်သားတိကို စိတ်ပိုင်းဆိုင်ရာအရ ချိုးနှိမ်နှိပ်ကွပ်လိုခြင်းက အထမြောက်အောင်မြင်လားနိုင်ရေ။

ဒေစကားကို အသေအချာလေ့လာကြည့်ဖို့ ဆိုကေ “ရခိုင်သားတိစွာ အမြင်မကျယ် သဘောထားသေးသိမ်ရေ” လို့  ကောက်ချက်ချပြောရအောင် ဇာအချက်အလက်ကို အခြီခံပြီးကေ ပြောစွာလဲ။ လေးသန်းလောက်ဟိရေ ရခိုင်လူမျိုး၏ အပြုအမှုအကျင့် မျိုးရိုးဗီဇယိုင်ကျေးမှုဓလေ့ထုံးစံသမိုင်းကို စနစ်တကျ သုတေသနလုပ်ပြီးကေ ထွက်လာရေ နောက်ဆုံးအဖြေမျိုးလား။ ယင်းပိုင်မဟုတ်ကေ “ငခုံးမတစ်ကောင်ကြောင့် တစ်လောင်းလုံးပုတ်တေ” ဆိုရေ ဗမာစကားပုံပိုင် ရခိုင်သားတစ်ယောက်မကောင်းစွာကို လက်ညှိုးထိုးပနာ ကျန်ရေရခိုင်သားတိကိုပါ တံဆိပ်ကပ်လိုက်ခြင်းလား..။ အေပိုင် မိန်းခွန်းချေ သုံးလေးငါးခွန်း ကိုယ့်စွာကိုယ်မိန်းကြည့်ပနာ ဦးနှောဏ်ကို အလုပ်ပီးလိုက်စွာနန့်  ဒေစကားစွာ ကောလာဟလ ဟုတ်မဟုတ်ကို ထင်ထင်ယှားယှားမြင်လာကတ်ရရေ။

အမှန်က ဒေစကားကို ဗမာအောက်သားတိ ပြောနိန်ခြင်းရေ နိုင်ငံရေးရည်ရွယ်ချက်ပါရေ။ ဇာပိုင်နိုင်ငံရေးရည်ရွယ်ချက်မျိုးလဲ..။

လူမျိုးတစ်မျိုးကို လူမျိုးတစ်မျိုးက ရေရှည်အုပ်ချူပ်ထားနိုင်ဖို့  အအုပ်ချူပ်ခံလူမျိုး၏စိတ်ဓါတ်ကို အယင်ဆုံးဖျက်ဆီးထားဖို့ လိုအပ်တေ။ စိတ်ဓါတ်ပိုင်းဆိုင်ရာ ယိုယွင်းပျက်စီးပရမ်းပတာဖြစ်နိန်ရေ လူမျိုးကို အုပ်ချူပ်ရစွာ ကကောင်းလွယ်ကူရေ။ လူ့ အဖွဲ့ အစည်းတခု ပုံမှန်လည်ပတ်
ဖွံ့ ဖြိုးတိုးတက်စီဖို့  လိုအပ်တေ စိတ်ခွန်အားကို အသိပညာကရာ ပီးရေ။ ယင်းအတွက်နန့်  ပညာရေးကို စနစ်တကျဖျက်ဆီးလိုက်စွာနန့်  ရီသောက်မြစ်အဖြတ်ခံထားရရေ အပင်ပိုင် ယင်းလူ့ ဘောင်စွာ ရပ်စောက်သီနိန်လီကတ်ရဖို့ စွာဗျာယ်။ ဆင်ခြင်တုံတရားနန့် အသိဥာဏ်မြင့်မားမှုကို ဖျက်ဆီးပြီးကေ ဦးနှောဏ်ကိုဖောက်စားပနာ လပ်နိန်ရေယင်းနိန်ရာမှာ ကောလာဟလတိကို လွှင့်ပီးထားလိုက်စွာနန့်  ယင်းလူမျိုးစွာ အနှစ်သာရ
နန့် အပြင်ပန်း အဓိကနန့် သာမညကို ခွဲခြမ်းစိတ်ဖြာမကြည့်နိုင်ပဲ အမြင်မှန် အသိမှန် အဖြေမှန်တိနန့် ဝီးပနာ မျှော်လင့်ချက်ပန်းဖူးမဟိ ဖြစ်နိန်လီကတ်ရဖို့ စွာဗျာယ်။ ကောလာဟလပရိယာယ် ကောလာဟလနွံထဲမှာ နစ်မြှပ်နိန်လီကတ်ရဖို့ စွာဗျာယ်ယေ။

တချို့ ရခိုင်သားတိဆိုကေ နိုင်ငံရေး ဆိုရေ စကားလုံးကို ကြားကေ ကျားလောက်ကြောက်ကတ်တေ။ သူရို့ ဦးနှောဏ်က ဒေစကားလုံးကို လက်ခံသိမ်းထားနိုင်စွမ်းမဟိ။ မူလတန်းကျောင်းသားချေတိကို ပါရဂူစာတမ်းအကြောင်းလားဖတ်ပြပိုင်ဖြစ်နိန်ရေ။ အေပိုင်ဖြစ်အောင် ဗမာအောက်သားတိက စနစ်တကျ ပုံသွင်းထားရေ။ နိုင်ငံရေးစွာမကောင်း ရခိုင်သားနန့် နိုင်ငံရေး တခုလေ့မဆိုင်ဆိုရေ ၀ါဒဖြန့် ချီရေးလုပ်ထားရေ။ ဦးနှောဏ်အဖောက်စားခံ Brain-wash အလုပ်ခံထားရရေ ရခိုင်သားတိစွာ နောက်ဆုံးမှာ ဗမာအောက်သားတိ ဆင်ထားရေ ကောလာဟလထောင်ချောက်ထဲမှာ သားကောင်ဖြစ်လားရရေ။

ယင်းအတွက်နန့်  သတင်းတစ်ပုဒ်ပင် ဖြစ်ဖြစ် စကားတစ်ခွန်းပင်ဖြစ်ဖြစ် ကြားလာကတ်ကေ...

(က) ဒေစကားကို အသူပြောစွာလေ
(ခ) ဇာဖြစ်လို့ ပြောစွာလေ
(ဂ) ဇာပိုင်အချက်အလက်တိကို အခြီခံထားလေ
(ဃ) ဇာရည်ရွက်ချက်အတွက် ပြောစွာလေ
(င) အကယ်၍ အေစကားအမှန်ဖြစ်လားကေ ရလဒ်က ဇာချင့်လဲ .. အစဟိရေ မိန်းခွန်းချေတိကို မိန်းကြည့်ပနာ လေ့လာဆန်းစစ်သုံးသပ်ဝေဖန်နိုင်ကေ ကောလာဟလအန္တရာယ်က လွတ်ကင်းနိုင်ဖို့ စွာ ကျိန်းသီကြောင်း ပြောချင်ရေ။

အမှန်က ဗမာအောက်သားတိစွာ စိတ်ဓါတ်အောက်တန်းကျရေ။ လူစိတ်မဟိ။ နိုင်ငံရေးလောကထဲမှာ ဟိနိန်ရေ အောက်သားတိဆိုကေ ပိုပြီးကေ ကောက်ကျစ်အတွင်းလားပနာ အမြင်မကျယ်သဘောထားသေးသိမ်ရေ။ ဇာဖြစ်လို့ အေပိုင် ပြောနိုင်လေ။

ယာသျှင်နန့် မျောက်မှာ အသူအမြင်ကျယ်ဖို့ လဲ။ အိမ်သျှင်နန့် သူခိုးမှာ အသူက သဘောထားသေးသိမ်ဖို့ လဲ။ ဒေနှစ်ချက်က ရခိုင်သား
နန့် အောက်သား ဇာသူကဇာလောက်အဆင့်အတန်းဟိလဲ ဆိုစွာကို တိုယှင်းလိုရင်း ဖော်ပြပြောနိုင်ရေ။

နိုင်ငံတကာဥပဒေကလေ့ လူမျိုးတစ်မျိုးက တခြားလူမျိုးတစ်မျိုးကို ကိုလိုနီနယ်ချဲ့ ကျွန်မပြုရ ကိုလိုနီစနစ်ဖျက်သိမ်းရေး ကို ပြဌါန်းပီးထားရေ။ နောက်ပြီးကေ အပြည်ပြည်ဆိုင်ရာ လူ့ အခွင့်အရေးကြေငြာစာတမ်းက လူ့ အခွင့်အရေး နိုင်ငံရေးဆိုင်ရာအခွင့်အရေး စီးပွါးရေးဆိုင်ရာအခွင့်အရေး ပညာရေးဆိုင်ရာအခွင့်အရေးတိကို လေးစားလိုက်နာကျင့်သုံးဖို့  ဥပဒေပြုထားစွာကို ဗမာအောက်သားတိကချိုးဖောက်နိန်ရေ။ အောက်သားတိ လူစိတ်မဟိစွာကို သုတေသနလုပ်ထားရေ စာတမ်းတိ အချက်အလက်စုဆောင်းထားရေ ဆာဗေးတိ ထောင်နန့် သောင်းနန့် ချီပြီးကေ ဟိရေ။ အနှစ်ချူပ်ပြောရဖို့ ဆိုကေ အောက်သားစွာ စိတ်ဓါတ်အောက်တန်းကျ သဘောထားသေးသိမ်အမြင်မကျယ်ရေ လူမျိုးလို့ သတ်မှတ်နိုင်ရေ။

ဒေနိန်ရာမှာ ပြောချင်စွာတစ်ခုက အဂုလက်ဟိနအဖဗမာစစ်ခွီးတိစွာ ဗမာတိထဲက ဗမာတိဖြစ်ကတ်တေ။ အာကာထက်ကလူးကျလာစွာမဟုတ်။ နအဖစစ်တပ်ထဲမှာ တခြားလူမျိုးတိဟိကေလေ့ ပေါ်လစီချမှတ်အုပ်ချူပ်ရေးအပိုင်းဖြစ်တေ စစ်ကောင်စီကို ဗမာတိကရာ ချူပ်ကိုင်ထားရေ။ ခေတ်နောက်ပြန်ဆွဲနိန်ပြီးကေ ဖက်ဆစ်ဝါဒထက်ဆိုးရေ ဗမာအမျိုးသားရေးဝါဒကိုအခြီခံပြီးကေ ဗမာစစ်အုပ်စုဖြစ်ပါလတ်စွာ။ ဗမာအောက်သားအများစုက ကျောထောက်နောက်ခံပြုထားလို့  ကမ္ဘာမှာ သက်ဆိုးအရှည်ဆုံးဗမာစစ်ခွီးစနစ် တည်တံ့နိန်ရခြင်း ဖြစ်တေ။ အောက်သားတိက ဗမာမဟုတ်တေ လူမျိုးတိကို အားလုံးရန်သူလို့ သတ်မှတ်ထားရေ။ သူရို့ နိုင်ငံရေးအာဏာချူပ်ကိုင်ထားနိုင်ရေးစွာ
သူရို့ ၏အဓိကအမျိုးသားနိုင်ငံရေးမူဝါဒ ဖြစ်တေ။ ဇာလောက်ပင် နိုင်ငံရေးအရ သဘောထားကွဲလွဲနိန်ကတ်ကေလေ့ အရေးကြုံကေ အောက်သားတိစွာ တစ်သားတည်းဖြစ်လားတတ်တေ။

နောက်ဆုံးပြောချင်စွာက အောက်သားတိဆင်ထားရေ ကောလာဟလထောင်ချောက်ကို ရှောင်လားနိုင်ပနာ ဗမာအောက်သားတိပရိယာယ်မာယာကို ရခိုင်မျိုးဆက်သစ်တိ သိမြင်နိုင်ကတ်ပါစီ။ ။ ။

အမျိုးသီလ နှစ်ဌါနကို အဓိပ္ပါယ်ပြန်ဖွင့်ခြင်း

အမျိုးသီလ နှစ်ဌါနစွာ ရခိုင်ပြည်ကျလားခါကပင် ကပ်ပါလားခဗျာယ်လို့  ပြောကေ ရခိုင်သားတိ ဇာပြောကတ်ဖို့ လဲချင့်။ အမျိုးသီလ နှစ်ဌါနကို စောင့်ထိန်းကတ်ရဖို့ ဆိုခြင်းရေ ရခိုင်တိုင်းပြည်၏နိုင်ငံရေးမူဝါဒ တစ်ခုဖြစ်ခရေ။ အေချင့်ကို အကျယ်ချဲ့ ပြောရဖို့ ဆိုကေ အမျိုးသီလ ဆိုစွာ ရခိုင်သားတိမှာ ကိုယ့်တိုင်းပြည်နန့် ကိုယ့်လူမျိုးကို ကိုယ်ရို့ ကာကွယ်စောင့်ရှောက်နိုင်ခြင်းနန့်  နိုင်ငံကြီးသားစိတ်ဓါတ်ဟိခြင်းကို နိုင်ငံရေးအရပေါ်လစီချပနာ ဖော်ပြခြင်းပင် ဖြစ်တေ။

အမျိုး (အနီရောင်) ၏ အဓိပ္ပါယ်က အချူပ်အချာအာဏာကိုပိုင်ဆိုင်ရေ စည်းမျဉ်းခံဘုရင့်နိုင်ငံတော်ဖြစ်တေ ကိုယ်ပိုင်နိုင်ငံရေးအာဏာဟိရေ လူမျိုးတမျိုးဖြစ်တေ.. ဒေပိုင်နိုင်ငံရေးသြဇာအာဏာနန့်  ကိုယ့်လူမျိုးလုံခြုံရေးကို
ကိုယ်ရို့ ကာကွယ်နိုင်ရေ ဆိုစွာကို ဖော်ညွှန်းခြင်းပင် ဖြစ်တေ။ ရခိုင်သားက ရခိုင်သမကို ယူခြင်းရေ အမျိုးချစ်တေလို့  ထင်မြင်ယူဆနိန်ကတ်ခြင်းရေ တပိုင်းတစရာ မှန်ရေ အားလုံးမမှန်ပါ။

သီလ (အဖြူရောင်) ၏ အဓိပ္ပါယ်က နိုင်ငံကြီးသားစိတ်ဓါတ်ဟိရေ တရားမျှတရေးတန်းတူရေးငြိမ်းချမ်းရေးလောကပါလတရားကို တန်ဖိုးထားရေ လူသားဝါဒကိုကျင့်သုံးရေ ဆိုစွာကို ဖော်ပြပြခြင်းပင် ဖြစ်တေ။ ဘာသာရေး ရှုထောင့်အမြင်အရ ရခိုင်သားတိုင်း ငါးပါးသီလစောင့်ထိန်းကတ်ရဖို့ လို့  ဆိုလိုခြင်း မဟုတ်ပါ။ လောကီလောကုတ္တရာပေါင်းထားပနာ ရခိုင်ရို့ လူ့ ဘောင် တခုလုံး လိုက်နာနိုင်အောင် ချမှတ်ကျင့်သုံးခရေ နိုင်ငံရေးပေါ်လစီတခု ပင်ဖြစ်ပါရေ။

နိုင်ငံကြီးသားစိတ်ဓါတ်ဆိုစွာ နိုင်ငံကြီးခြင်း ငယ်ခြင်း လူဦးရေ များခြင်းနည်းခြင်းနန့် မဆိုင်ပါ။ အကျင့်နန့် ရာဆိုင်ပါရေ။ လူ လူချင်းတန်ဖိုးထားပနာ လူသားစိတ် ဇာလောက်ကြီးမားလေ ဆိုရေ ပေတံနန့် ရာ တိုင်းတာနိုင်ပါရေ။ ဗမာမှာ နိုင်ငံကြီးသားစိတ်မဟိပါ။ ဗမာသမိုင်းမှာ ညီကိုအရင်း အချင်းချင်းသတ်ကတ်တေ။ အဂုလေ့ ရှမ်းမတိကို မုဒိမ်းကျင့် ကရင်ရွာတိကို မီးတိုက် လူသတ်။ အေချင့်က ဗမာစစ်ခွီးတိမှာ ဒမြစိတ်ဓါတ်ရာ ဟိရေ ဆိုစွာကို ဖော်ပြနိန်ပါရေ။ ဗမာမှာ လူဦးရေ သန်း (၂၀) လောက်ဟိကေလေ့ လူသားစိတ်မဟိ ယိုင်ကျေးမှုမမြင့်မား နိုင်ငံကြီးသားစိတ်မဟိဆိုစွာကို ကမ္ဘာ့အသိုင်းအ၀ိုင်းက လက်ခံထားကတ်တေ။

ဆက်ပြောရဖို့ ဆိုကေ အေနိန့် ကာလမှာ အမျိုးသီလ နှစ်ဌါနကို ရခိုင်သားတိ စောင့်ထိန်းခွင့်မရရေ အခြေအနေမျိုးဆိုက်ရောက်နိန်ရရေ။ ဗမာစစ်ခွီးတိ ချမှတ်နိန်ရေ ဒမြ၀ါဒအောက်မှာ ဗမာစစ်ခွီးတိ မှိုင်းတိုက်ဖြန့် ချီနိန်ရေ ဆီဆွတ်ပေါ်လစီတိအောက်မှာ ရခိုင်သားတိ အမျိုးသီလ နှစ်ဌါနကို ပြည့်ဝမဏ္ဍိုင် မစောင့်ထိန်းနိုင်ရေ အခြေအနေဆိုး ဘ၀ဆိုး အငတ်ဘုံ ပြာပုံမှာတိုးနိန်ရရေ အဆင့်ကိုရောက်နိန်ကတ်ရစွာ အားလုံး
သူရို့ သိကတ်ပါရေ။ ဥပမာတခုပီးရဖို့ ဆိုကေ မွှီးပျံ့ ကြိုင်သင်းရေ ပန်းခြံတခုဆောက်ဖို့  မြီဧက လေးငါးခြောက်ဧကလောက် အနည်းဆုံးလိုအပ်တေ။ မြီမဟိကေ ယင်းပန်းခြံဆောက်လို့ မရ။ ယင်းပိုင်ဗျာယ် အမျိုးသီလ နှစ်ဌါနကို ပြည့်ဝမဏ္ဍိုင် စောင့်ထိန်းနိုင်ဖို့  ကိုယ်ပိုင်အချူပ်အချာအာဏာနန့်  ကိုယ်ရို့ အုပ်ချူပ်တေတိုင်းပြည်လိုအပ်တေ။


ယင်းအတွက်နန့် 

ကိုယ်ပိုင်အချူပ်အချာ အာဏာပိုင်ခွင့်နန့်  ရခိုင်ရို့ ပြည်ကို ရခိုင်တိ အုပ်ချူပ်ခွင့် ရဟိရေးရေ အဓိက
ဗမာကိုလိုနီစစ်စနစ်ဖျက်သိမ်းရေးနန့်  ဗမာစစ်ခွီးတိကို ရခိုင်ပြည်က မောင်းထုတ်ရေးရေ ပထမ ဖြစ်လာရပါဖို့ ။

ယပြီးခါမှရာ အမျိုးသီလ နှစ်ဌါနကို ပြည့်ဝမဏ္ဍိုင် စောင့်ထိန်းနိုင်ရေ ရခိုင်သားလို့  ကမ္ဘာကြီးအလယ်မှာ လက်မထောင်လာနိုင်ပါဖို့ ။

အေအမ်ပီမှာ ဆီဆွတ်ဗိုင်းရပ်စ် ပျံ့ နှံ့ ပြန့် ပွါးလာနိန်ခြင်း (အရေးပေါ်အထူးသတင်း)

ဒေနိန့်  မိုးထစစော ကမ္ဘာ့ကျန်းမာရေးအဖွဲ့ ချူပ် (WHO) က အရေးပေါ်ကြေငြာချက်တရပ် ထုတ်ပြန်လိုက်တေ။ အေအမ်ပီမှာ တချို့ သော ရခိုင်သားတိစွာ ရခိုင်ထမင်းကို စားပြီးကေ ဗမာခွီးတိဘားမှာ ဆီဆွတ်လားလုပ်ခြင်းကြောင့် ဗမာခွီးတိဘားကကူးလာရေ ဆီဆွတ်ဗိုင်းရပ်စ်တမျိုး ကူးစက်ခံနိန်ရကြောင်းနန့်  ဒေရောဂါဆိုးတခြားလူတိဘားမှာပါပျံ့ နှံ့ ပြန့် ပွါးလာနိန်ကြောင်း ဒေဆီဆွတ်ဗိုင်းရပ်စ်ကို အယင်ဆုံးတိုက်ဖျက်ကာကွယ်လားကတ်ဖို့  တိုက်တွန်းပြောဆိုလိုက်ပါရေ။ ဒေ ဗမာခွီးတိဘားက လာရေ ဆီဆွတ်ဗိုင်းရပ်စ်စွာ ၀က်ရောဂါပိုးထက် အဆတစ်ရာလောက် ကြောက်ဖို့  ကောင်းကြောင်း သတိပီးထားပါသိမ့်ရေ။

ဗမာခွီးနေပြည်တော်ကို ရောက်နိန်ရေ ကုလသမဂ္ဂအတွင်းရေးမှူးချူပ် ဘန်ကီကြီးက ဗမာစစ်ခွီးတိစွာ ဆီဆွတ်ဗိုင်းရပ်စ်တိ လူတိဘားမှာ ကူးလားအောင် တမင်တကာ အစီအစိုင်တကျ လုပ်ဆောင်နိန်ကြောင်းကို စီအန်အန်နန့် လုပ်တေ အင်တာဗျူးတခုမှာ အတည်ပြုပြောကြားလိုက်ပါရေ။

ရခိုင်အမျိုးသားလုံခြုံရေးကောင်စီက ဒေဆီဆွတ်ဗိုင်းရပ်စ် ရခိုင်မျိုးဆက်သစ်အချေတိဘားကို မကူးရအောင် တိုက်ဖျက်နှိမ်နှင်းလားဖို့  ဆယ့်ခုနှစ်
မြို့ နယ်က တက်လာကတ်တေ ကောင်စီအဖွဲ့ ဝင်တိနန့်  သျှစ်သောင်းဘုရားရင်ပြင်ထက်မှာ အရေးပေါ်အစည်းအဝေးတရပ်ကို ကျင်းပနိန်ကတ်ပါရေ။

ဒေဆီဆွတ်ရောဂါပိုး အမြစ်ကကျွတ်လားအောင် ရခိုင်နာမေခံပြီးကေ လုပ်စားနိန်ကတ်တေ သတင်းဌါနတိ သတင်းစာတိနန့်  တော်လှန်ရေးနိုင်ငံရေးကို ဗန်းပြပြီးကေ ဗမာခွီးစာပြန့် ပွါးရေးသူတောင်းစားလုပ်နိန်ရေ အဖွဲ့ အစည်းပါတီတိကိုပါ ရခိုင်အမျိုးသား
ရို့ စာပီကို စော်ကားမှု ဆီဆွတ်ဗိုင်းရပ်စ် ပြန့် ပွါးအောင်လုပ်မှု ရခိုင်ဖြစ်ပြီးကေ ဗမာခွီးတိစာကို ပုံနှိပ်ထုတ်ဝီနိန်မှု အစဟိရေ ဥပဒေပုဒ်မတိနန့်  ရခိုင်တရားရုံးချူပ် (Arakan Supreme Court) မှာ တရားစွဲဆို အပြစ်ပီး အရေးယူလားဖို့  အကြောင်း ဆုံးဖြတ်ကတ်ပါရေ။

ကုလသမဂ္ဂ အထွေထွေညီလာခံက ”ဗမာစာရေ ခွီးစာ ဗမာစကားရေ ခွီးစကား ဗမာနန့် ပေါင်းကေ ခွီးဖြစ်တေ ဗမာစာကိုဖြန့် ကေ ဆီဆွတ်ဗိုင်းရပ်စ်ကူးမေ” ဆိုပြီးကေ ကြေညာချက်တစောင် ထုတ်ပြန်လိုက်ပါရေ။ ။ ။

ရခိုင်ဗီဒီယို အချစ်ဇာတ်လမ်း

မောင်သာဘန်း မောင်သာဘန်း
ပုလင်းတစ်လုံးနန့်  မောင်သာဘန်း
မောင်သာဘန်းက ကျောင်းဆရာ
ပုလင်းကိုင်လို့  ကျောင်းကိုလာ
ကျောင်းဆရာမ မသာလှ
မောင်သာဘန်းကို ချစ်မ၀
အမိအဖက သဘောမတူ
မသာလှကို ဆူ...၊


ဗမာစစ်ခွီး လူဆိုးကြီး
ဒေကြားထဲမှာ ဒုက္ခပီး...၊


ဖက်ခွက်စား မောင်အောက်သား
မသာလှကို ဆွဲလားရမ်းလား..၊


မောင်သာဘန်းလေ့ မနိန်နိုင်
သူငယ်ချင်းတိကို တိုင်
သူငယ်ချင်းတိလူစု
ခိုးပြီးကတ်ဖို့  အကြံပြု ...၊


စနီနိန့် ဥာဥ့် လပြည့်ည
ခိုးရာလိုက်တေ မသာလှ...၊


သူကြိုက်ကိုယ်ချစ်
လင်မယားဖြစ်
ဒေချင့်စွာ အချစ်စစ်...၊


မောင်သာဘန်းနန့်  မသာလှ
ဘ၀တခုကို ဒေမှာစ
အမျိုးသီလ နှစ်ဌါန
အေချင့်စွာ ရခိုင်ရို့ အလှ..။ ။ ။


မောင်သာဘန်း (ရခိုင်ပြည်)

ရခိုင့်စာပီလှုပ်ယှားမှု နှုတ်ခွန်းဆက်စကား

ရခိုင့်စာပီလှုပ်ယှားမှု (Arakanese Literature Movement) ကို ရီခံမြီခံကောင်းပနာ ရခိုင်မျိုးဆက်သစ်ချေတိ ဆုံတွိကတ်တေ ဒေအေအမ်ပီရပ်ဝန်းမှာ အဂုအချိန်ကစပြီးကေ စတင်လိုက်ပါကြောင်း ရခိုင်သူရခိုင်သားအပေါင်းကို အသိပီးလိုက်ရပါရေ။ ဒေလှုပ်ယှားမှုကို ဦးဆောင်လားဖို့ အဖွဲ့ က ရခိုင့်စာပီကွန်ယှက် (Arakanese Literature Network) ဖြစ်ပါရေ။ အေအဖွဲ့  ၏ ဆောင်ပုဒ်က

“ ရခိုင်စာ ရခိုင်စကား
ရခိုင်ရို့ လေးစား တန်ဖိုးထား”

“အမျိုးသီလ နှစ်ဌါနနန့် 
စာပီကိုယ်ပါ ချစ်မြတ်နိုး
အေချင့်စွာ ရခိုင်လူမျိုး”

“စာပီတောက်ပြောင်ကေ
ရခိုင်ရို့ လူ့ ဘောင်လေ့ တိုးတက်မေ”

“စာပီတိုက်ပွဲ ငါရို့ ဆင်နွဲ
စာပီဂုဏ်ရောင် ထွန်းလင်းပြောင်
ရခိုင်ရို့ အကျိုးကိုဆောင်…။”

အေအဖွဲ့ ကို ရခိုင်စာပီဖွံ့ ဖြိုးတိုးတက်လာစီရေး ဆိုရေ စုပေါင်းမျှော်လင့်ချက် (Collective Hope) အတွက် စုပေါင်းဦးဆောင်မှု (Collective Leadership) စုပေါင်းလုပ်ဆောင်မှု (Collective Activity) နန့်  တစ်ယောက်ချင်းစီက ကိုယ်ပိုင်အသိစိတ်နန့် ပါဝင်မှု (Individual Participation by Own Conscience) တိမှာ အခြီခံပနာ ဖွဲ့ စည်း တည်ဆောက်ထားပါရေ။ ရခိုင်စာပီအတွက် ပီးဆပ်လားဖို့ ဆိုရေ မြင့်မြတ်တေ စိတ်ဆန္ဒနန့်  အဖွဲ့ ဝင် ချင်ရေ ရခိုင်သူရခိုင်သားတိုင်းကို အပြုံးပန်းနန့် လက်ကမ်းလို့ ကြိုဆို နိန်ပါယင့်။ ရခိုင့်စာပီလှုပ်ယှားမှုမှာ ရခိုင်ဆိုရေအသိနန့်  အားလုံးသူရို့ ပါဝင် ဆင်နွဲလားကတ်ဖို့ ရခိုင်သားတိုင်းက ရခိုင်စာပီဖွံ့ ဖြိုး တိုးတက်လာရေးမှာ တာဝန်ဟိရေဆိုရေ စိတ်ဓါတ်နန့် ကူညီလားကတ်ဖို့ တိုက်တွန်း နိုးဆော်လိုက်ရပါရေ။

အဂုဆိုကေ ကမ္ဘာ့ရွာထက်မှာ ဟိကတ်တေ ရခိုင့်စာပီကွန်ယှက်အဖွဲ့ ဝင်သူရဲကောင်းကွန်မန်ဒိုတိက သူရို့ ကိုင် ထားကတ်တေ ကလောင်လက်နက်တိကို ထက်နိန်အောင်သွီးပနာ လက်စွမ်းပြနိန်ကတ်ပါဗျာယ်။ တချို့ ကဆိုကေ ၀က်ပ်ဆိုဒ်တိ ဘလော့ဂ်တိဖွင့်ပနာ ရခိုင်စာပီရီစီးကြောင်းအားကောင်းမောင်းသန်စီးဆင်းဖို့  ကြိုးပမ်းအားထုတ်နိန်ကတ်ပါဗျာယ်။ ဗုဒ္ဓသားတော် ရခိုင်ရဟန်းသူမြတ် တိကလေ့ တကာတကာမတိကို အဂုလက်ဟိလူ့  ဘောင်လောက ထဲက နိဗ္ဗာန်ကိုရောက်စီဖို့  စာပီတရားရီအီး တိုက်ကျွေးပနာ လမ်းညွှန်ပြပီးနိန်ကတ်ပါရေ။

အေရခိုင့်စာပီကွန်ယှက်က လုပ်ဆောင်လားဖို့ မျှော်မှန်းထားကတ်တေ ရှိလုပ်ငန်းစိုင်တိကတော့ကေ တတ်နိုင်ရေ သဒ္ဓါတရား
နန့် ကိုယ်ရို့ အိတ်ထဲက စိုက်ပနာ ဘုံဖဲသာတိ စုဆောင်းပြီးကေ ရခိုင်ပိုင်ရီးသားထုတ်ဝီထားရေ စာအုပ်စာတမ်းတိကို စုဆောင်းလားကတ်ပါဖို့ ။ ရခိုင့်စာပီလက်ရာကောင်းတိကို စုပေါင်းပနာ မဂ္ဂဇင်းဂျာနယ်တိ ထုတ်လားကတ်ပါဖို့ ။ စာပီအကြောင်းအရာဆွေးနွေးခန်းအသံဖိုင်တိကိုလေ့ ထုတ်လွှင့်ပီးလားပါဖို့ ။ ယပြီးကေ ရခိုင့်စာပီလှုပ်ယှားမှုမှာ တယောက်လေ့ပဲ့မကျန် လိုက်ရအောင် ရခိုင်နိုင်ငံရေးပါတီ တော်လှန်ရေးအဖွဲ့ အစည်း သတင်းဌါနမီဒီယာတိကိုလေ့ ရခိုင်လူထုနန့်  တသားတည်းဖြစ်ပနာ ရခိုင်သူရခိုင်သားမျိုးဆက်သစ်ရို့ ၏ယုံကြည်မှုတိကို ရချင်ကေ ရခိုင်စာကိုရီး ရခိုင်စကားကို တန်ဖိုးထားကတ်ပါလို့  အေရခိုင့်စာပီကွန်ယှက်က နည်းလမ်းပေါင်းစုံနန့်  စည်းရုံးသိမ်းသွင်းဖိအားပီးတိုက်တွန်းလားပါဖို့ ။

အေနိန်ရာမှာ ရခိုင့်စာပီလှုပ်ယှားမှု မိတ်ဆက်စကားကို နိဂုံးချူပ်အဆုံးသတ်လိုက်ရပါရေ။ အားလုံးကျန်းကျန်း မာမာချမ်းချမ်း
သာသာ နန့် ရခိုင်စာပီတိုးတက်ရေးကို ဆောင်ရွက်နိုင်ကတ်ပါစီ။ ။ ။


ရခိုင့်စာပီလှုပ်ယှားမှု နှုတ်ခွန်းဆက်စကား- အမှတ် (၂)

ရခိုင်ရို့ အစိုင်အဆက်နိန်ပါလတ်ကတ်တေ ပျိုင်စီပျိုင်ထောင်အိမ်ကြီးအိမ်ကောင်းကို ဗမာဒမြတိက ၀င်စီးပနာ အိမ်ကိုမီးတိုက်ထားပါရေ။ ဒေပိုင်မီးလောင်နိန်ရေ အချိန်မှာ အိမ်ကိုမီးဝိုင်းသတ်ကတ်ဖို့  ကော်မတီတိဖွဲ့  ဥက္ကဌ အတွင်းရေးမှူးတိရွီး ဘဏ္ဍာငွေတိစုဆောင်း ဇာပိုင်မီးသတ်ကတ်ရဖို့ ဆိုပနာ မဟာဗျူဟာနည်းဗျူဟာတိချဖို့  ကျွန်တော်ရို့ ရခိုင်သားတိမှာ အချိန်မဟိလိုက်ပါဗျာယ်။ အချိန်ရာဆွဲနိန်ကေ တအိမ်လုံးပြာကျလားလီဖို့ စွာက ကျိန်းသီနိန်ပါရေ။

ယင်းအတွက်နန့်  အဂုပိုင်အရေးကြီးရေ အချိန်ကာလမှာ တခုကိုလေ့စိုင်းစားတွေဝေမနိန်ပဲနန့်  တစ်ခွက်ချေပင်ဖြစ်ဖြစ် တစ်ဖလားချေပင်ဖြစ်ဖြစ် တစ်အိုးပင်ရရ တစ်ဗာရတီပင်တွိတွိ ရရေရီကိုရှာ ဇာသူပင်ဖြစ်ဖြစ် ၀ိုင်းပနာ မီးသတ်ကတ်ရပါဖို့ ။ အိမ်ထဲကို ၀င်ပနာ အိမ်သားတိကို ကယ်ဖို့ လုပ်ကတ်ရပါဖို့ ။ တန်ဖိုးဟိရေ ပစ္စည်းတိ မီးထဲကိုပါမလားရအောင် ၀ိုင်းပြောင်းပီးကတ်ရပါဖို့ ။

ဒေပိုင် အရေးပေါ်အခြေအနေမှာ သူနိုင်စွာကိုသူလုပ် ကိုယ်နိုင်စွာကို ကိုယ်လုပ်စွာကို စုပေါင်းဦးဆောင်မှု (Collective Leadership) စုပေါင်းလုပ်ဆောင်မှု (Collective Activity) နန့်  တစ်ယောက်ချင်းစီက ကိုယ်ပိုင်အသိစိတ်နန့် ပါဝင်မှု (Individual Participation by Own Conscience) လို့  အဓိပ္ပါယ်ဖွင့်ဆိုထားပါရေ။ အေလုပ်ငန်းစိုင်မှာ အားလုံးသူက ဂေါင်းဆောင်ပါ။ အိမ်ကိုလောင်နိန်ရေ မီးကိုအယင်သတ်ကတ်ရဖို့ ဆိုရေ ရည်ရွယ်ချက်ဆန္ဒ အားလုံးသူမှာ တချိန်တည်းမှာ အတူတူဟိနိန်ကတ်ခြင်းကို စုပေါင်းမျှော်လင့်ချက် (Collective Hope) သို့ မဟုတ် ဘုံအိမ်မက် (Common Dream) လို့  ခေါ်ဆိုထားပါရေ။

ယေဇူးနန့်  အေအမ်ပီမှာ ဟိနိန်ကတ်တေ ရခိုင့်စာပီကွန်ယှက်အဖွဲ့ ဝင်တိစွာ ထပ်တူကျရေ အယူဝါဒလမ်းစိုင်ကို လက်ကိုင်ထားပနာ လားနိန်ကတ်တေ ရခိုင့်စာပီဂေါင်းဆောင်တိဖြစ်ပါရေ။ ရခိုင့်စာပီလှုပ်ယှားမှုမှာ ပါနိန်ကတ်တေ ကလောင်သျှင်တိ စာဖတ်ပရိတ်သတ်တိ အားလုံးသူရို့ စွာ ရခိုင့်စာပီတိုးတက်ဖွံ့ ဖြိုးလာရေးအတွက် ရှိတန်းကတိုက်ပွဲဝင်နိန်ကတ်တေ သူရဲကောင်းတိ ဖြစ်ပါရေ။

ရခိုင့်စာပီအားကောင်းမောင်းသန်ဖွံ့ ဖြိုးတိုးတက်လာစီဖို့  အုတ်တချပ်သဲတပွင့် နိုင်ရေတာဝန်ကို ယူဖို့ လှမ်းလာနိန်ကတ်တေ သူရဲကောင်းအသစ်တိကိုလေ့ ရခိုင့်စာပီလှုပ်ယှားမှုက အပြုံးပန်းနန့် လက်ကမ်းလို့ ကြိုဆိုနိန်ပါယင့်။ ။ ။

ဆင်ခြီကို ဆင်ခြီပီးခြင်း (Giving reason to reason)

ရခိုင်သားက ရခိုင်စာကို မရီးခြင်းရေ ကိုယ့်ကိုမွီးထုတ်ပီးလိုက်တေ အမိအဖ သမိုင်းစိုင်ဆက်ထိန်းသ်ိမ်းပါလတ်တေ ရခိုင်ရို့ ယိုင်ကျေးမှု (အင်္ဂလိပ်ပိုင် Civilization) ရိုးရာအမွီအနှစ် စာပီဂီတ လူ့ အခြီခံအသိစိတ် ကိုယ်ကျင့်တရား လူ့ ဘောင်နီတိ အစဟိရေ လူဖြစ်ခြင်း၏အဆီအနှစ်တိ အားလုံးကို လက်ခံဖို့ ငြင်းဆန်လိုက်ခြင်းပင် ဖြစ်တေ။ တိရစ္ဆာန်တိစွာ အစာစားတတ်တေ၊ အိပ်တတ်တေ၊ ကာမမှီဝဲတတ်တေ။ ယေကေလေ့ ယင်းသူရို့ မှာ စာ မဟိ။ ယင်းပိုင်ဗျာယ် ကိုယ့်မှာဟိရေ ရခိုင်စာကို မရီးရေ ရခိုင်သားစွာ တိရစ္ဆာန်ဘ၀ကို ဖဲသာပီးစရာမလို အော်တိုရောက်လားကတ်ရဖို့ စွာက ကျိန်းသီနိန်ရေ။

ရခိုင်ရို့ သမိုင်းကို စာမျက်နှာတရွက်ချေလောက် လှန်ကြည့်လိုက်ဖို့ ဆိုကေ ရခိုင်သားတိမှာ စာဟိစွာ ထိုဖက်ကမ်းကိုတောင်ရောက်လားသိမ့်ရေ။ ဗမာတိ လူမဖြစ်ခင်ကပင် ရခိုင်သားတိ တိုင်းပြည်နိုင်ငံထူထောင်ပါလတ်စွာ နှစ်ပေါင်းထောင်ချီလားခဗျာယ်။ ဗမာတိလူလို့ စဖြစ်တေ အချိန် အေဒီ 849 ပုဂံကို ထူထောင်ရေ ကာလမှာ ရခိုင်သားတိစွာ ပထမဓည၀တီ ဒုတိယဓည၀တီ စိုင်းဒြားခေတ် ဝေသာလီ စရေ ခေတ်ကြီးလေးခေတ်ကို ထူထောင်ပနာ နိန်ပါလတ်ကတ်ဗျာယ်။ ဒေပိုင် သမိုင်းပုံရိပ်ကြီးခကတ်တေ ရခိုင်သားတိ ဒေနိန့် ကာလမှာ ကိုယ်ရို့ အဖိုးအဖီးတိ ထားပစ်ခရေ ကိုယ်ရို့ စာကို ရီးကတ်ဖို့  ဖင်ကချီးထွက်အောင် အော်ပြောနိန်ရစွာ နွားတိကို ဟဲဗီးမယ်လ်တေလ် တေးခြင်းလားဆိုပြနိန်ပိုင် ဖြစ်နိန်ရရေ။


ရခိုင်သားက ရခိုင်စာကို တန်ဖိုးမထား မရီးကတ်ခြင်း၏ ဆိုးကျိုးတိ

(၁) စာပီပျောက်ခြင်း (စာပီပျောက်ကေ လူမျိုးတုံးလားဖို့ စွာက ဗေဒင်မိန်းစရာ မလို။)
(၂) သမိုင်းယိုင်ကျေးမှု အစိုင်အလာ ဓလေ့ထုံးတမ်းစိုင်လာ မျိုးရိုးဗီဇ အတွေးအခေါ် အမြင် ယုံကြည်ချက် တိ အားလုံးပျောက်လားခြင်း (အေချင့်တိအားလုံးကို စာနန့် ရာမှတ်တမ်းတင်လို့ ရရေ။)
(၃) ဗမာစာကို လားရီးနိန်ကတ်ခြင်းက ကိုယ့်သီတွင်းကို ကိုယ်လားတူးပိုင်ဖြစ်နိန်ပနာ ခွီးထက်အဆင့်နိမ့်ရေ ဗမာဘားမှာ ကျွန်ဖြစ်နိန်ရစွာကို ပျော်ပါရေ လို့  ၀န်ခံခြင်းနန့် လားတူနိန်ရေ။

ရခိုင်စာမရီးချင်ရေ ရခိုင်သားရို့ ၏ဆင်ခြီ

(၁) အချေခါ ကျောင်းမှာ ဗမာပိုင်သင်လာရလို့  ရခိုင်ပိုင် မရီးတတ်လတ်။ (အဂုဒေစာကို ရီးနိန်ရေ မြောက်ဦးကဘီလူးလေ့ အချေခါ ကျောင်းမှာ ဗမာခွီးစာကို မသင်ချင်ပဲနန့်  အားဓမ္မသင်လာရစွာပါရာ။)
(၂) ရန်ကုန်မှာ အနိန်များလို့  ရခိုင်စာမရီးတတ်ပါ။ (အဂုစာရီးနိန်ရေ မြောက်ဦးကဘီလူးလေ့ ရန်ကုန်မှာ အကောင်းဆုံးတက္ကသိုလ်တခုမှာ (၇) နှစ်လောက် ကျောင်းတက်ခရေ လူပါရာ။)
(၃) ဗမာအပါအ၀င် ကျန်ရေ တိုင်းရင်းသားလူမျိုးတိပါ ဖတ်စီချင်လို့  ဗမာပိုင် ရီးရေလတ်။ အေပိုင် ရီးခြင်းကို အမြင်ကျယ်ရေလို့  ပြောကတ်သိမ့်ရေ။ (လက်တွိအခြေအနေမှာ ဗမာခွီးစာကို ကျန်ရေ ကချင်၊ ကယား၊ ကရင်၊ မွန်၊ ရှမ်း၊ ချင်းတိ တယောက်လေ့ မဖတ်ကတ်။ သူရို့ မှာ သူရို့ ကိုယ်ပိုင် ဘာသာစကားစာဟိရေ။ သူရို့ စာကို သူရို့ ချစ်မြတ်နိုးကတ်တေ။ သူရို့ ဝက်ဆိုဒ်တိကို သူရို့ စာ
နန့် ရီးကတ်တေ။ မယုံကေ အောက်မှာလားကြည့်ကတ်ပါ။)

http://kachinnews.com/kachin/

http://www.monnews-imna.com/monindex.php

http://www.kwekalu.net/>

http://www.mongloi.org/

http://www.kaowao.org/mon/


ဗမာဆိုရေ ခွီးတိကလေ့ သူရို့ ဗမာတိရီးရေ ဗမာစာကိုရာ လားဖတ်တေ။ ရခိုင်တိ ဆီဆွတ်ချင်ရေစိတ်နန့် ရီးထားရေ ဗမာစာကို ဗမာတိစိတ်မ၀င်စား။ လူမျိုးရေးမုန်းတီးခွဲခြားဆက်ဆံချင်ရေစိတ် အဟိဆုံးလူမျိုးစွာ ဗမာဖြစ်တေ။ ရခိုင်သားတိ ခံစားနိန်ရရေ အကြောင်းအရာတိကို ဗမာကိုလားပြောနိန်လို့ မရ။ ခွီးကို နိဗ္ဗာန်ရောက်ကြောင်းတရား လားဟောပြပိုင်ဖြစ်နိန်ဖို့ ။ နာဂစ်ဖြစ်တေခါ ဟိုင်းကြီးကျွန်းက ရခိုင်တိကို ဗမာတိလားပြီးကေ အကူအညီမပီးပါ။ ရခိုင်ဖြစ်နိန်လို့  လတ်။ ဧရာဝတီတိုင်းက ကရင်ရွာတိကိုလေ့ လားပြီးကေ အကူအညီမပီးကတ်။ ကရင်ဖြစ်နိန်လို့ ပါလတ်။ ယင်းအတွက်နန့်  ကိုယ့်ကိုယ်ကို အမြင်ကျယ်ရေလို့ ထင်ပနာ ဗမာစာကို လားရီးနိန်ရေ ရခိုင်သားတိစွာ အမြင်ကျယ်စွာက မဟုတ် ဆီဆွတ်စွာများလားလို့  ဖင်ကျယ်နိန်ခြင်းရာ ဖြစ်တေ။ အဂေါင့်ဂေါင့် အမြင်ကျယ်ချင်ကေ ကမ္ဘာသုံးဘာသာစကား (၅) မျိုးထဲက တမျိုးမျိုးကို အလှပလတတ်အောင်သင်.. ယေပြီးကေ ရခိုင်ပြည်မှာ ဖြစ်ပျက်နိန်ရေ အကြောင်းအရာတိကို ယင်းဘာသာကြီးတိနန့်  ရီးပါ။ ရခိုင်သားတိ ဗမာကျွန်ဘ၀မှာ ငရဲကျနိန်စွာကို ကမ္ဘာ့ယိုင်ကျေးရေအသိုင်းအ၀ိုင်းတိသိအောင်လုပ်နိုင်ခြင်းကရာ သွီးစစ်တေ အမြင်ကျယ်ခြင်းလို့  လက်ခံရပါဖို့ ။

ရန်ကုန်မှာကျောင်းတက်တေ အချိန်ကဆိုကေ ဗမာတိက ဘီလူးကို ပြောရေ “ဗမာစကား မပီလတ်”။ ယေကေ ဘီလူးက ဗမာတိကို ပြန်ပြောရေ “ငါကား ဗမာက မဟုတ် ရခိုင်ရာ။ ဇာဖြစ်လို့  ဗမာစကားပီရဖို့ စွာလဲ။ ဗမာစကားပီကေ မင်းရို့ ညီမတိကို တက်ခွလို့ ရ
ဖို့ လား... မင်းရို့  အပြန်အလှန်အသိဥာဏ်ဟိကေ ရခိုင်စကားပြောကြည့် ရဖို့ လား”။ အေပိုင်ပြန်ပြောလိုက်ခါကပင် တခါချေလေ့ ဗမာစကားမပီလို့  ပဇာ့မဟ၀ံ့ကတ်ဗျာယ်။

ကိုယ့်စာကို ကိုယ်မလေးစားခြင်းရေ မိမိကိုယ်ကို အသိအမှတ်မပြုခြင်းနန့်  အတူတူဗျာယ်။ ဒေစာကို ဆင်ခြီတိပီးပနာ ဗမာစာရီးနိန်ကတ်တေ ရခိုင်သားတိ ဖတ်ပြီးကေ ဆင်ခြင်နိုင်ကတ်ပါစီ။ ။ ။

“ရင်ဖတ်ထဲက အချစ်သမိုင်း”

အချစ်ဆိုစွာကို
မျိုချထားရစွာ
ကြာနိန်ဗျာလ်.. ညိုချေ…၊

နင့်မျက်နှာချေကို မြင်တိုင်း
ရိုးတောင်ထက်က
ခုန်ချရရေပိုင်
ငါ့နှလုံးသားတိ
အထိန်းအကွပ်မဟိ
နင့်ခြီရင်းမှာ
ဂျွမ်းပြန်ပနာပြုတ်ကျလားရရေ…၊

ခြင်ထောင်ထဲမှာ
ဖပြားမှောက်ပနာ
ရွီးလိုက်ရရေ ရည်းစားစာတိ
ဖင်ကို နီထိုးခါမှ
တရီးလေ့ မအိပ်လိုက်ရမှန်းသိရေ..၊

နင့်အမိက
ငါ့ကိုမြင်ကေ
ရှစ်ခေါက်ချိုးမျက်နှာနန့် 
နှာခေါင်းတွန့် ပြရေ…၊

အရက်သမားဆဘွတ်
ပီးအပ်လိုက်တေ ဂုဏ်ဒြပ်တိ
နင့်အမိနန့် တွိခါမှ
ငါလေ့ ဇကုန်ရာထူးတက်လားရရေ…၊

အပွင့်အခက်နန့် အစိမ်းရောင်ဝတ်ခွီးကိုမှ
လူလို့ ထင်နိန်ရေ
နင့်အမိ ဇာတ်ဆရာမ
ကုလားဖန်ထိုးလိုက်တေ တစ်ရက်မှာ
နင်က ဗမာစစ်ခွီးမယား
ငါက လမ်းဘေးကအရက်သမား
အချစ်ပိုးနန့် ရောဂါသည်…၊

”ချစ်ကေလေ့ မဖြစ်
ဘ၀ကြမ်းမှာလိုက်မနိန်နိုင်”
နင်ပြောခရေ ဒေစကား
အဂုထိပင် ကြားနိန်သိမ့်ရေ…၊

ပြက္ခတိန်တိ မြောင်းကိုရောက်
သုံးလလောက်လေ့ ကြာရေခါ
နင်က
ဗမာစစ်ခွီးထားပစ်ခရေ
တလင်ကွာမ
ငါက ဗုဒ္ဓသားတော်
တခုပိုင်လေ့ မသင့်တော်လိုက်ဗျာလ်…၊

အမျိုးချစ်ခွင့် မရလိုက်တေ ငါ
အချေတိကို စာသင်ပီးပနာ
တရားဘောင်ထဲမှာ နိန်လီဖို့ ဗျာလ်။ ။ ။



ကိုရင်ကြီး (ရခိုင်ပြည်)

“လူရိုင်းတိအကြောင်း”

လူရိုင်း ရခိုင်ပိုင်အယင်ပြောကေ လရိုင်း... ဒေပိုင် လရိုင်းတိအကြောင်းကိုပြောကေ အာဖရိကတိုက်က တောင်အမေရိက အမေဇုံသစ်တောတိထဲက ယိုင်ကျေးမှုမထွန်းကားသိမ့်ရေ တောထဲတောင်ထဲတိက လူရိုင်းမျိုးနွယ်စုတိကို လားပနာမြင်ကတ်ဖို့ စွာ ကျိန်းသီရေ။

ယကေလေ့ ဒေနိန်ရာမှာ ပြောချင်စွာ လရိုင်းက တခြားသော လရိုင်းတိအကြောင်းပင် ဖြစ်တေ။ ဥပမာပီးရ
ဖို့ ဆိုကေ “ဗမာအမျိုးသားရေးဝါဒီ အောင်ဆန်းစွာ လရိုင်း”။ အောင်ဆန်းကို အေစာထဲမှာ ရီးပြပြောရစွာ ချစ်လွန်းအားကြီးလို့ တော့ မဟုတ်။ ရခိုင်မျိုးဆက်တိအတွက် အတုယူလေ့လာထားသင့်ရေ တချို့ သော အချက်အလက်တိကို မိတ်ဆက်ပီးချင်လို့ ရာ။

ဆက်ပြောရဖို့ ဆိုကေ အောင်ဆန်းစွာ အဂေါင့်ဂေါင့် လရိုင်း။ စကားပြောကေ မွီးရာပါဖွားဖက်တော် “လ” အက္ခရာကို ပဇာ့က မချ။ လူတပုံကြီးရှိမှာ စကားပြောကေလေ့ လအက္ခရာပါရေ။ သူ့ အဖလောက်ဟိရေ လူတိကိုလေ့ ကော်နှက်တေ။ ယကေလေ့ အောင်ဆန်းကို တယောက်လေ့ ပြန်မပြောဝံ့ကတ်။ ဇာဖြစ်လို့ လဲ။ အကြောင်းရင်းကိုစစ်ကြည့်ကေ အောင်ဆန်းစွာ နိုင်ငံရေးအရ ရိုင်းနိန်စွာ။ သူ့ ဂေါင်းထဲမှာ ချီးစိုက်ကေလေ့ နိုင်ငံရေး... သီးပေါက်နိန်ကေလေ့ နိုင်ငံရေး.. ထမင်းစားကေလေ့ နိုင်ငံရေး.. အိပ်နိန်ကေလေ့ နိုင်ငံရေး.. လမ်းလျှောက်လို့ လားနိန်ကေလေ့ နိုင်ငံရေး။ “ဗမာတိ အင်္ဂလိပ်ကိုလိုနီကျွန်ဘ၀က လုံးဝလွတ်လပ်ရေးနန့်  ခေတ်သစ်ဗမာအမျိုးသားနိုင်ငံထူထောင်ရေး”က အောင်ဆန်းဂေါင်းထဲမှာ ရက်ပြတ်အချိန်ပြည့်နိန်ရာယူထားရေ။ အေပိုင်ယုံကြည်ခံယူချက်သွီးနန့်  အောင်ဆန်း အသက်ရှင်ရေ။ ဒေယုံကြည်ချက်မှာ အခြီခံပနာ အောင်ဆန်း စကားပြောရေ။ သူ့ ပါးက ထွက်ကျလာရေ စကားလုံးတိုင်းက တော်လှန်ရေးနိုင်ငံရေးအဆီဝနိန်ရေ။ အောင်ဆန်းရေ
သူ့ အတ္တမာနကိုယ်ကျိုးအတွက် အလုပ်မလုပ်ခ။

အတိုချူပ်ပြောရဖို့ ဆိုကေ လရိုင်းအောင်ဆန်း လမ်းကြောင်းထွင်လားပခလို့  ဗမာတိနိုင်ငံရေးအာဏာကို ရလားခကတ်တေ။ တဖက်မှာ ရခိုင်အပါအ၀င် ရှမ်း ကချင် ကရင် အစဟိရေ လူမျိုးတိ ဗမာကျွန်ဘ၀ကို အေနိန့် ကာလထိ ရောက်နိန်ကတ်ရရေ။ လှုပ်ယှားမှုတိုင်းမှာ တန်ပြန်အကျိုးသက်ရောက်မှု ဟိရေ။ အောင်ဆန်းပိုင် လရိုင်းတကောင် မပေါ်ခကေ ယင်းသူပိုင် ပြင်းထန်ရေ အမျိုးသားနိုင်ငံရေးယုံကြည်ချက်နန့်  အလုပ်မလုပ်ခကတ်ကေ ဗမာပြည်နိုင်ငံရေးအခြေအနေစွာ တမျိုးတဖုံ အဖြေထွက်လားနိုင်ရေ။ အောင်ဆန်းလရိုင်း၏စည်းရုံးဦးဆောင်မှုအောက်မှာ ဗမာပရိယာယ်မာယာအောက်မှာ ဗမာမဟုတ်တေ လူမျိုးတိရုန်းထွက်နိုင်စွမ်းမဟိခကတ်။ အောင်ဆန်းထောင်ခရေ ဗမာစစ်တပ်က အဂုအချိန်မှာ အင်အား ၅ သိန်းလောက်ဟိနိန်ဗျာလ်။ သန်းရွှေက ဒေစစ်တပ်ကို ဦးဆောင်နိန်ကေလေ့ ဒေ ဗမာစစ်တပ်၏အဓိကရည်ရွယ်ချက်က အောင်ဆန်းလမ်းစိုင်ချခရေအတိုင်း နိုင်ငံရေးအာဏာကို ဗမာတိထိန်းချူပ်ထားနိုင်ရေးပင် ဖြစ်တေ။

အောင်ဆန်းလရိုင်းပိုင် ရခိုင်သားတိထဲမှာ ပေါ်လာနိုင်ဖို့ လားချင့်။ မင်းမျှော်ဝါဒ ကို ချပြနိန်ခြင်းတော့ မဟုတ်။ ယကေလေ့ တော်လှန်ရေးနိုင်ငံရေးကို အောင်မြင်အောင်လုပ်ဖို့  ယုံကြည်ခံယူချက်ပြင်းထန်ရေ ဂေါင်းဆောင်တိ လိုအပ်တေ။ ရခိုင်ရို့ ဗမာ ကိုလိုနီကျွန်ဘ၀က လုံးဝလွတ်လပ်ရေးနန့်  အီးငြိမ်းချမ်းရေ ခေတ်သစ်ရခိုင်ပြည်ထူထောင်ရေးအတွက် ဘ၀တခုလုံးကို အပ်ထားရေ မျိုးဆက်သစ်လရိုင်းတိ အသည်းအသန်လိုအပ်နိန်ရေ။

ဇာပင်လုပ်လုပ် ဇာနိန်ရာကိုပင်လားလား ဇာဒေါင့်ကြားချေမှာပင် အိပ်နိန်နိန် တော်လှန်ရေးနိုင်ငံရေးနန့်  ရခိုင်ရို့ လွတ်မြောက်ရေးကို တစက္ကန့် ချေ လေ့ မမိန့်  အချိန်တိုင်းမှာ စိုင်းစားနိန်တတ်တေ... မာယာမဟိ ပကတိဖြူစင် အပြောရိုင်းကေလေ့
ရခိုင်ရို့ ခေတ်သစ်သမိုင်းကို လွတ်လပ်ခြင်းနန့်  မော်ကွန်းထိုးနိုင်ရေ ရခိုင်လရိုင်းမျိုးဆက်သစ်ပေါ်လာဖို့  ၂၁ ရာစုစွာ အချိန်ကောင်းပင် ဖြစ်တေ။ ။ ။

“အန်ချင်ရေ လူရို့  အန်ချင်ရေ”

ပြောကေ ရခိုင်သား
ရီးရေခါ ဗမာစာ
ယင်းအတွက်နန့် 
ရခိုင်ပြည် ငါးပါးမှောက်
ဒုံးဘောက်ဆောက်
ကျွန်သဘောက် ဖြစ်နိန်ရစွာ..၊


ပြောကေ ရခိုင်ပါရဂူ
ရီးရေခါ ဗမာစာ
ယင်းအတွက်နန့် 
ရခိုင်ပြည် ငါးပါးမှောက်
ဒုံးဘောက်ဆောက်
ကျွန်သဘောက်ဖြစ်နိန်ရစွာ...၊


ပြောကေ ရခိုင်နိုင်ငံရေးသမား
ရီးရေခါ ဗမာစာ
ယင်းအတွက်နန့် 
ရခိုင်ပြည် ငါးပါးမှောက်
ဒုံးဘောက်ဆောက်
ကျွန်သဘောက်ဖြစ်နိန်ရစွာ..၊


ပြောကေ ရခိုင်နိုင်ငံရေးပါတီ
ရီးရေခါ ဗမာစာ
ယင်းအတွက်နန့် 
ရခိုင်ပြည် ငါးပါးမှောက်
ဒုံးဘောက်ဆောက်
ကျွန်သဘောက်ဖြစ်နိန်ရစွာ...၊


ပြောကေ ရခိုင်အဖွဲ့ အစည်း
ရီးရေခါ ဗမာစာ
ယင်းအတွက်နန့် 
ရခိုင်ပြည် ငါးပါးမှောက်
ဒုံးဘောက်ဆောက်
ကျွန်သဘောက်ဖြစ်နိန်ရစွာ..၊


ပြောကေ ရခိုင်သတင်းဌါန
ရီးရေခါ ဗမာစာ
ယင်းအတွက်နန့် 
ရခိုင်ပြည် ငါးပါးမှောက်
ဒုံးဘောက်ဆောက်
ကျွန်သဘောက်ဖြစ်နိန်ရစွာ..၊


ပြောကေ ရခိုင်သတင်းစာ
ရီးရေခါ ဗမာစာ
ယင်းအတွက်နန့် 
ရခိုင်ပြည် ငါးပါးမှောက်
ဒုံးဘောက်ဆောက်
ကျွန်သဘောက်ဖြစ်နိန်ရစွာ..၊


အန်ချင်ရေ လူရို့ 
အန်ချင်ရေ
ဒေကဗျာကို ရီးယင်းနန့် 
အန်ချင်ပါလတ်တေ..၊


စာပီလေ့တုံး
လူမျိုးပြုန်း
လမ်းဆုံးကေ
ဒိုင်နိုဆောပိုင်
ရခိုင်သား
ပြတိုက်ထဲမှာ
ရုပ်ကြွင်းဖြစ်ကျန်လိုက်ကတ်ဖို့ ယေ..။

“အချစ်ဆိုစွာကို သရုပ်ခွဲကြည့်ခြင်း”

အချစ်အမျိုးမျိုးဟိရေ။ အားလုံးသူရို့ သိကတ်တေ။
မိဘနန့် သားသမီးကြားကအချစ်
မောင်နှမအချစ်
သမီးရည်းစားအချစ်
လူတိက ခွီးတိကြောင်တိကို ချစ်တေ အချစ်
အဆိုတော် မင်းသားမင်းသမီး နာမေကြီးရေ လူတိကို ပရိတ်သတ်တိက ချစ်တေ အချစ်
လူအချင်းချင်းကြားမှာ လူသားဝါဒနန့် ချစ်တေ အချစ်
အယူဝါဒ အယူအဆတူရေ လူတိကြားက အချစ်
ကိုးကွယ်ရေ ဘာသာတူလို့ ချစ်တေ အချစ်......................
အေပိုင် အချစ်အမျိုးမျိုးဟိကတ်တေ အထဲမှာ
တိုင်းပြည် လူမျိုးနန့် စာပီကို ချစ်တေ အချစ်စွာ
သွီးအစစ်ဆုံး အမြင့်ဆုံး အမြတ်ဆုံး အကြီးကျယ်ဆုံး တန်ဖိုးအဟိဆုံးနန့်  အနှစ်သာရအပြည့်ဝဆုံး အချစ် ဖြစ်တေ။
အေအချစ်ကို အဂေါင့်ဂေါင့်ချစ်တတ်တေ လူတိစွာ လူသီလားခကေလေ့ နာမေမသီ
သမိုင်းစာမျက်နှာတိမှာ မော်ကွန်းတင်ကဗ္မည်းထိုးလို့  လူအများက ကိုးကွယ်ပူဇော်မြတ်နိုးခြင်းကို ခံကတ်ရရေ...။


ဒေအေအမ်ပီမှာ ဟိကတ်တေ ရခိုင်သမရခိုင်သားတိထဲမှာလေ့ နောင်အနာဂတ်မှာ ရခိုင်အမျိုးသားဂေါင်းဆောင် (Arakanese State-Man) ဆိုပြီးကေ ကျောက်ရုပ်ထု ဂုဏ်ပြုလားကတ်ရဖို့  ဂေါင်းဆောင်သစ်ချေတိ မဟိလို့  လုံးဝပြောလို့ မရနိုင်ပါ။ Leaders are nurtured and created. ဆိုရေ စကားပိုင် ကိုယ့်ကိုယ်ကို ကျင့်ကြံဖန်တီးတည်ဆောက်ပြုစုပျိုးထောင်လားကေ ရခိုင်သားတိအားကိုးရေ ရခိုင်လူထုဂေါင်းဆောင်တိ တိုင်းပြည်လူမျိုးနန့် စာပီကို အသက်ပီးပနာ ချစ်တေ ရခိုင်ဂေါင်းဆောင်သစ်တိ ပေါ်ထွန်းလာကတ်ဖို့ စွာ ကျိန်းသီနိန်ပါရေ။

“သူငယ်ချင်း ဂတုံးမ”

အချစ်ဆုံး ဂတုံးမ
နင့်ဂေါင်းထက်မှာ
အနာဖီးတိထ
ဝဲချီးခြူနိန်စွာက
ကြယ်စုံညပိုင်
ကြည့်လို့ လှရေ…၊


အချစ်ဆုံး ဂတုံးမ
နင့်အပြုံးက
မိုနာလီဇာထိုင်ငို
ချီးတိယိုလားအောင်
ဖြူစင်ပြောင်လက်
အရောင်ထရေ..၊


အချစ်ဆုံး ဂတုံးမ
နင့်ဒဿနက
ပို့ စ်မော်ဒန်ကဗျာတိထဲက
နိမိတ်ပုံပြစကားလုံးတိပိုင်
အဓိပ္ပါယ်ဖော်ရခက်တေ…၊


အချစ်ဆုံး ဂတုံးမ
နင့်မျက်လုံးက
စိုးမဲကျီပတ္တမြားပိုင်
ပြည်တန်စူးရှ
တန်ဖိုးပြည့်ဝရေ…၊


အချစ်ဆုံး ဂတုံးမ
နင်နန့် ငါ
အရက်တိယစ်ပနာ
ရှုခင်းသာတန်းထားထက်မှာ
မိုးတလင်း ငြင်းပစ်လိုက်ကတ်စွာ
ကုလားတန်မြစ်ဝ ပပွဆူ
ဆူနာမီတိ ဖြစ်လားခယင့်..၊


မိုးသီးပေါက်တိကြွီကျ
မိုးကြိုးပစ်ချရေ
ဒေပိုင်အချိန်
ထိန်းမနိုင်သိမ်းမရ
သတိရရေ
ဘ၀ခြားလားရေ ဂတုံးမချေ.....။ ။ ။

“လက်တွိ တော်လှန်ရေး”

အဂြိုမနိုင်
နရွက်ကိုင်
စစ်ခွီးရို့ စတိုင်


လင်ကိုမရ
သားကိုထောင်ချ
မယားကို မုဒိမ်းကျင့်ပစ်ခ
အေချင့်စွာ နအဖ
ဗမာစစ်ခွီးဝါဒ


ပဇာ့ပြောကေ ရွှီ (ရွှေ)
စိတ်ဓါတ်ချေက အောက်တန်းကျ
ချီးနန့် အန်ဖတ်က ဆရာခေါ်ရ
ဗမာနန့် ပေါင်းလို့ ဘ၀မလှ


ဗမာစစ်ခွီး
ယခီးဆီဆွတ်
ကြံ့ဖွတ်ရို့ က သောင်းကျန်နီ
ရခိုင်ပြည်ကြီး ထထွတ်ကြီ



ရခိုင်သားအားလုံးဝိုင်းဗျာယ်ကူ
ကိုယ်ထူကိုယ်ထ သူပုန်ထ
စစ်ခွီးတိကို ဆုံးမ
အေချင့်စွာ ရခိုင်မာန
အမျိုးချစ်ခြင်းကို လက်တွိပြ....။ ။ ။

“ကွာဟချက် (Gap)”

ရက္ခပူရလို့ခေါ်ကတ်တေ ရိုးတောင်အောက်ခြီက အမေရိကကိုပင် လားလား စင်ကာပူမှာ ပင် နိန်နိန်... ဂျပန်ကိုပင် ရောက်ရောက်...အိန္ဒိယ နီပေါ မလေး ထိုင်း ဥရောပတိုင်းပြည်တိမှာပင် သောက်လို့ ယစ်နီကတ်ပတ်စီ.. ဇာတိုင်းပြည်ဇာနိုင်ငံကိုပင်ရောက်ရောက် မြီအောက်က ငရဲပြည် အာဂါထက်ကနတ်ပြည်ကိုပင် ဇောက်ထိုးပျံတက်လားကတ်ပတ်စီ.... ရခိုင်သားတိမှာ တူညီရေ အချက်တခုဟိရေ။ ယင်းချင့်က ကျောသားရင်သား မခွဲခြား.. ဆင်းရဲချမ်းသာမခွဲခြား.. ပညာတတ် ပညာမဟိ မခွဲခြား.. လူ ဘုန်းကြီး သူတော်မ မခွဲခြား.. သူတောင်းစား ဘိန်းစား ဆရာဝန် အင်ဂျင်နီယာ နိုင်ငံရေးတော်လှန်ရေးသမား မခွဲခြား... အချေ အစိတ်ကေချေ အပျိုမ အပျိုထီး ၀ါကြီးမ လအိုကြီး မခွဲခြား... တန်းတူညီမျှခြင်းပြည့်ပြည့်၀၀နန့် ဗမာကျွန် ဖြစ်နိန်ရခြင်း ပင် ဖြစ်တေ။

စင်ကာပူမှာ လစာ ၅၀၀၀ ရပတ်စီ.. ရခိုင်သားမှန်ကေ ဗမာကျွန်ဗျာလ်ယေ ဝေ.. ငါ့ညီချေ။ အမေရိကန်မှာ ဟားဗတ်က ကျောင်းပြီးလို့ ဆင်းလာပတ်စီ.. ရခိုင်ဆိုကေ မင်းစွာ ဗမာကျွန်ဘ၀ကို ရောက်နိန်ရရေယေဝေ ငါ့တူချေ။

ရခိုင်သားတသန်းလောက်ကို ရက်ရက်စက်စက်သတ်ပြီးကေ နှစ်ပေါင်းနှစ်ရာကျော်ကျွန်ပြုထားရေ ဗမာတိကို ရခိုင်ပြည်က တိုက်ထုတ်ပြီးကေ သီးခြားလွတ်လပ်တေတိုင်းပြည်ကို ပြန်ပနာ မထူထောင်နိုင်ရေ ကာလပတ်လုံး မာန်အောင်မှာပင် နိန်နိန် ရမ်းဗြဲကျွန်းမှာပင် နိန်နိန် တောင်ကုတ်သံတွဲ ဟိုင်းကြီးကျွန်း ပလက်ဝ မီးချောင်း ပီချောင်းဖျား အမ်းဂွ
လေးမြို့ ချောင်းဖျားမှာပင် နိန်နိန် မြောက်ဦး မင်းပြားကျောက်ဖြူစစ်တွေ မောင်တောဘူးသီးတောင် ကျောက်တော်ပေါက်တောမြေပုံ ပုဏ္ဏားကျွန်း ရသေ့တောင်မှာပင်နိန်နိန် မင်းရို့ ငါရို့  ရခိုင်သားတိစွာ ရခိုင်သားမျက်နှာ ရခိုင်သား အသွီးအသားနှလုံးသားနန့် ဗမာကျွန်ဖြစ်နိန်ကတ်ရရေယေ ဝေ။

မောင်ရို့ က ရွှေတောင်ကြား ကျောက်မြောင်း ကျောက်ကုန်း ရှစ်မိုင် ကိုးမိုင် ကျောက်တံတား ဗိုလ်တထောင် မှာ နိန်စွာပါရာ လို့ ဆင်ခြီဆင်လက်တိ ပီးနိုင်ကေလေ့ ရခိုင်မှန်ကေ ဗမာကျွန်ဘ၀ကို ရောက်နိန်ရရေလို့ မှတ်ထားလိုက်ပါဝေ ငါ့ညီချေ။

ဒဗြုတ်သီးတလုံးမျိုချထားရရေပိုင် ရင်ဖတ်ဆို့ပနာ ၀မ်းနည်းဖို့ ကောင်းစွာတခုက ဗမာကျွန်ဖြစ်လာစွာ နှစ်ပေါင်းနှစ်ရာကျော်ကြာလာကေလေ့ အဂုထက်ထိ တော်လှန်ရေးနိုင်ငံရေးလုပ်ဖို့ ရခိုင်သားအယောက် ၂၀၀ စုလို့ မရနိုင်သိမ့်။ ပြောကေ အမျိုးချစ်တေ လတ်။ မျက်နှာကို တဗျင်းသတ်ပနာ သံပုရာသီးလူးပီးထားပစ်ခဖို့ ကောင်းရေ။ ယာ.. အရာလေ့ ပြောပါဂါ... အမျိုးချစ်တေ လတ်။ ဒေ အေအမ်ပီမှာတောင် နိုင်ငံရေးကို ပုတ်လောက်ရိုင်လောက်ရွီးပြကေတောင်မှ ဇာချင့်လဲမသိလို့ ပြန်ပြောဖို့ ပဇာ့ဟနိန်ရေ ရခိုင်သံခမောက်ဆောင်း ကျွန်ဘ၀မှာ ပျော်ကြီးကျနိန်ရေ လူတိ အများကြီး ဟိနိုင်ရေ။

အရေအတွက် မဟိရေပိုင် အရည်အချင်းလေ့ မဟိရေ အတွက် ရခိုင်နိုင်ငံရေးတော်လှန်ရေးစွာ ခွီးဖျာလိပ်ခေါင်းကို ၀င်နိန်ရရေပိုင် ထွက်ပေါက်မဟိ... တိုးတက်လာခြင်းမဟိ ပြောင်းလဲလာခြင်း မဟိ ဖြစ်နိန်ရေ။

ယင်းအတွက်နန့် ဒေ ကွာဟချက် (Gap... လူမျိုးတမျိုးလွတ်မြောက်ဖို့ လူတိုင်းက အခြီခံအမျိုးသားနိုင်ငံရေးအသိစိတ်ဓါတ် ဟိဖို့ လိုသည်။) ကို ဖြည့်ဖို့ ရခိုင်အထီးအမ အခြောက်တိ အပါအ၀င် အားလုံးသူရို့  အသက် ဆယ့်ရှစ်နှစ်ကျော်ကေ နိုင်ငံရေးစာပီကိုဖတ် လေ့လာ .. ယပြီးကေ နိုင်ငံရေးတော်လှန်ရေးထဲမှာ ကိုယ်တိုင်ကိုယ်ကျ ဘ၀မြှပ်ပနာ ပါဝင်ကတ်။ အပြင်က အရက်ယစ်ကေ အမျိုးကိုချစ်တေ ဆိုပြီးကေ မအာကေ့ တချက်။ ငါ့မှာ မွီးဇပ်ထားရေ သာလိကာချေတောင် အမျိုးချစ်တေလို့ ပြောတတ်နိန်ဗျာလ်။ ဇာ တတ်ယောင်ကားရခိုင်သားပါးက ရောဂါကူးလာလေ မသိ။

ရခိုင်ဘုန်းကြီးတိကို လျှောက်ထားချင်စွာက ရခိုင်ရို့ လူ့ဘောင်ကို အစိုင်အဆက်ထိန်းကျောင်းပါလတ်တေ မင်းဆရာလုပ်ပါလတ်ကတ်တေ (Moral Authority) ဆိုရေ ဂုဏ်ဒြပ်နန့် ကိုက်ညီဖို့ မျက်စိနားပိတ်နိန်ရရေ ရခိုင်သားတိကို နိုင်ငံရေးတရားဟောကတ်ပါ။ Religious study ထက် Political Sciences, Law, Sociology and Economics တိကို လေ့လာပနာ ရခိုင်သားတိ ဗမာကျွန်ဘ၀က လွတ်မြောက်ဖို့ ဦးဆောင်သင့်ပါရေ။ ကွဲပြဲနိန်ရေ ခွီးပိုင်ကိုက်နိန်ကတ်တေ တော်လှန်ရေးနိုင်ငံရေးအဖွဲ့အစည်းပါတီတိကို ကြားက ၀င်ဖျိုင်ပနာ ညှိနှိုင်းပြီးကေ ညီညွတ်ရေးတည်ဆောက်ပီးရေ ဒိုင်လူကြီးတာဝန်ကိုလေ့ ရခိုင်ဘုန်းကြီးအဖွဲ့ချူပ်ကရာ တာဝန်ယူသင့်ပါရေ။ ရခိုင်သားတိမှာ လိုအပ်နိန်စွာက ကိုယ်ပိုင် Political Identity ဖြစ်တေအတွက်နန့် ဗမာတိနန့် ရောပနာ ယောင်ခြောက်ဆယ် မလုပ်ကတ်ပါကေ့ တချက်။

အူမတောင့်မှ သီလစောင့်နိုင်ဖို့ ဆိုရေ စကားပိုင် ရခိုင်သားအားလုံး ဗမာစစ်ခွီးတိ ဂုတ်သွီးစုပ်ထားလို့ ငတ်နိန်ရရေ ဘ၀မှာ ငါးပါးသီလ ခြောက်ပါးသီလ ပရိတ်ကြီး ဆယ့်တသုတ် ထိုသုတ်ဒေသုတ်တိ အရေးမကြီးလိုက်ပါဗျာလ်။ တယောက်စ နှစ်ယောက်စလောက်ရာ နားလည်နိုင်ရေ နိရောဓသစ္စာတရားထက် လူ့အဖွဲ့အစည်းတခုလုံးလွတ်မြောက်စီဖို့ နိုင်ငံရေးတရားကိုဟောခြင်းက ဒေအချိန် ဒေကာလမှာ ပိုပြီးကေ အသုံးတည့်ဖို့ ထင်ပါရေ။

ကွက်လပ်ချေတိ ဖြည့်ပီးကတ်ပါမေ။ ။ ။

“သီခါနီးက မျိုးဆက်သစ်တိပါးသို့ ပီးစာ”

မြီကိုချစ်ကေ
တီမဖြစ်ပါဝေ၊


မြီဟိခါမှ
အမျိုးလေ့တည်တံ့ပါရေဝေ၊


လခြမ်းချေကို
အောက်သားတိယူလားခဗျာလ်ယေ
ယာရှင်ကို
တမာပင်က မျောက်တိနှင်နီရေဝေ၊


အဝေ အဘုချေ
ဇာနီရာကိုပင်ရွှင့်လို့လားလီဝေ
တရက်မှာ တနာရီချေလောက်
ပြည်ရခိုင်ကိုအတွက်ပေါ်ပါဝေ၊


ရက္ခပြည်ကြီး
အယင်ခါရွှီသီး
အဂုကတော့ကေ
ကုန်းရီတိစုတ်
ဝါးဒုတ်တောင် မစားနိုင်ဗျာလ်ဝေ၊


အဝေ အဘုချေ
ဦးနှောဏ်ကို သွီးပါဝေ
နားကိုဖွင့်ပါဝေ
တထပ်စာကိုဖယ်ပနာ
တသက်စာကို ရှာလီပါဝေ၊


ငါရို့ က ဂြာအိုကျ
သင်းချိုင်းကို ခြီနှစ်ဖက်လှမ်းနီဗျာလ်ဝေ
မင်းရို့ တိတလှည့် တာဝန်ယူကတ်ဖိဝေ၊


ဝမ်းတထွာချေကို ရှိတန်းတင်ပနာ
ကိုယ်လွတ်ကေ ကျီဗျာလ်လို့
လူခန္ဓာနန့် နွားစိတ်မမွီးပဲ
ရခိုင်တမျိုးသားလုံးအရေးကို ဦးစားပီးပါဝေ။ ။ ။

“ကြောက်တေ”

ထိုင်နီကေလေ့ ကြောက်တေ
ရပ်နီကေလေ့ ကြောက်တေ
ကွန်ပျူတာသုံးနီကေလေ့ ကြောက်တေ
အသံကိုကြားကေလေ့ ကြောက်တေ
အရုပ်ကိုမြင်ကေလေ့ ကြောက်တေ
စိတ်ထဲမှာလေ့ ကြောက်တေ
ချီးစိုက်နီကေလေ့ ကြောက်တေ
သီးပေါက်နီကေလေ့ ကြောက်တေ
ထမင်းစားနီကေလေ့ ကြောက်တေ
နိုင်ငံခြားကို ရောက်နီကေလေ့ ကြောက်တေ
တခုခု ပြောရဖို့စွာကိုလေ့ ကြောက်တေ
တခုခု ရွီးရဖို့စွာကိုလေ့ ကြောက်တေ
ဝေဖန်ရဖို့စွာကိုလေ့ ကြောက်တေ
ကန့်ကွက်ရဖို့စွာကိုလေ့ ကြောက်တေ

ကြောက်လို့ ကျွန်ဖြစ်တေ
ကျွန်ဖြစ်လို့ ကြောက်တေ

ကြိုပနာကြောက်လို့ ယခီး ဖြစ်တေ
ယခီး ဖြစ်လို့ ကြိုကြောက်တေ

ကြောက်တေ ကြောက်တေ ကြောက်တေ …..၊

ညဇာကလေ့ ကြောက်တေ
ဒေနိလေ့ ကြောက်တေ
နက်ဖြန်ခါလေ့ ကြောက်တေ
ကမ္ဘာ့အပြင်ကို ရောက်နီကေလေ့ ကြောက်တေ
စကြ၀ဠါတွင်းနက်ကြီးထဲကို ရောက်နီကေလေ့ ကြောက်တေ

အိုး လူရို့  ကြောက်တေ ဆိုရေ ကြောက်တေ…………………………………..။ ။ ။

အပြုံးပန်းနန့် လက်ကမ်းလို့ ကြိုလိုက်ပါယင့်

စိတ်ကူးခြောက်ပိဿာနန့်  မြောက်ဦးကဘီလူးရီးရေ စာကဗျာတိကိုဖတ်ဖို့ 
အပြုံးပန်းနန့် လက်ကမ်းလို့ ကြိုလိုက်ပါယင့်...။ ။ ။