Blogger templates

Pages

Search

Monday, February 1, 2016

အိပ်ရီးပျက်ရရေ အကြောင်း


နှစ်ဖက်ကန်းပုဏ္ဏား
ပျူရူးရို့ ကြားမှာ
မြီစာပင်ဖြစ်နိန်ရစွာက
ရခိုင်သမိုင်း……၊


သူခိုး အညှက်ဆိုး
အသားထဲကလောက်
ကျွန်သဘောက်နန့် 
ဖောက်ပြန်သူရို့ များရေ ခေတ်မှာ
ခွီးဟောင်တိုင်းလေ့ ထကြည့်နီရရေ……။ ။ ။


 မြောက်ဦးကဘီလူး

Saturday, January 22, 2011

ချီးထက်ပင်လည်း ရွံဖို့ ကောင်းပါရေကား

ရခိုင်ပိုင် မရွီးတတ်တေ ရခိုင်အသင်း
ရခိုင်ပိုင် မရွီးတတ်တေ ရခိုင်သတင်းစာ
ရခိုင်ပိုင် မရွီးတတ်တေ ရခိုင်သတင်းဌါန
ရခိုင်ပိုင် မရွီးတတ်တေ ရခိုင်နိုင်ငံရေးပါတီ
ရခိုင်ပိုင် မရွီးတတ်တေ ရခိုင်တော်လှန်ရေးအဖွဲ့ 
ရခိုင်ပိုင် မရွီးတတ်တေ ရခိုင်နိုင်ငံရေးသမား
ရခိုင်ပိုင် မရွီးတတ်တေ ရခိုင်တော်လှန်ရေးသမား
ရခိုင်ပိုင် မရွီးတတ်တေ ရခိုင်ကျောင်းသား
ချီးထက်ပင်လည်း ရွံဖို့ ကောင်းပါရေကား...။

ကိုယ့်စာကို ကိုယ်မသိ
ကိုယ့်ဇာတိကို ကိုယ်မမြင်
ကိုယ့်ရင်ဘတ်ထဲကအသံ ကိုယ်မနာခံ
ကိုယ့်နှလုံးသားထဲကစကား ကိုယ်နားမထောင်
မင်းရို့ ပိုင်အကောင်တိကို ခွီးတောင်လေးစားဖို့မဟုတ်...။

လွတ်လပ်ရေး လွတ်လပ်ရေး
ဖင်ပြဲအောင်အော်
ညီညွတ်ရေး ညီညွတ်ရေး
ဖင်ကချီးထွက်အောင်အော်
ရခိုင်သားက ရခိုင်စာကိုမရွီးရေ ကာလပတ်လုံး
လွတ်လပ်ရေး ညီညွတ်ရေး
တခုအရေးလည်း ဖြစ်လာဖို့မဟုတ်...။


(မြောက်ဦးကဘီလူး)

Tuesday, November 9, 2010

နောက်ဆုံးရာစု (The Last Century)

နိဒါန်း

ဒေကမ္ဘာမြီထက်မှာ ရခိုင်ရို့ အဖြစ်ဆိုးက တခုပိုင်လေ့ ကြည့်လို့ မလှ။ မြင်လီရာ အရပ်မျက်နှာတိုင်းမှာ ဒုက္ခတိနန့်  လူလုံးမလှ။ စိတ်ဓါတ်တိ ညှိုးနွမ်းနိန်ရ။ အရာရာတိုင်းမှာ အောက်ကျနောက်ကျ။ ကယ်သူမဟိ ကူဖို့ လူမဟိ။ အပူသည်တိဘ၀ဆိုးနန့်  လူဖြစ်လာရခြင်းရေ ငရဲကျ ဖို့ သက်သက်ပိုင်ဖြစ်နိန်ရရေ။ ယင်းအတွက်နန့်  အဂုလက်ဟိ ရခိုင်ပြည်ကို အတိုချူပ် အဓိပ္ပါယ်ဖွင့်ဆိုပီးရဖို့ ဆိုကေ ကမ္ဘာမြီထက်ငရဲချေတခု (A hell on earth) ဖြစ်နိန်ရရေပိုင် ရခိုင်လူထုကလေ့ ငရဲသားတိ ဖြစ်နိန်ရရေ။

အဂုပိုင်အခြေအနေဆိုးအောက်မှာ ရခိုင်ရို့ အတွက် ကုသိုလ်မဟိရေပိုင် နိဗ္မာန်လေ့မဟိ။ မလွတ်လပ်တေ လူမျိုး (၀ါ) ကျွန်ဖြစ်နိန်ရရေ လူမျိုးအတွက် ငြိမ်းချမ်းရေနိဗ္မာန် ဆိုစွာမဟိ။ တရားမျှတခြင်း၊ ကောင်းမှုလုပ်လို့ ရလာရေ ကုသိုလ်၊
လူ့ ဂုဏ်သိက္ခာ သီလကိုယ်ကျင့်တရားတိလေ့ ကျွန်ဘ၀မှာ ခံစားစံစားကျင့်ကြံရပိုင်ခွင့် မဟိ။ ကျွန်ဖြစ်ခြင်းရေ လူသားဖြစ်ခြင်း၏နိဂုံးအဆုံးသတ်ပင် ဖြစ်တေ။ ကျွန်ဖြစ်နိန်ရခြင်းရေ လူစင်စစ်က စက်ရုပ်ဘ၀ကို အပြောင်းခံရခြင်းပင် ဖြစ်တေ။ စက်ရုပ်တိမှာ ခံစားချက်၊ အနာဂတ်ဆိုစွာ မဟိ။ သံပတ်အပီးခံထားရရေအတိုင်း လှုပ်ယှားပီးရရေ။ တာဝန်ထမ်းဆောင်ပီးရရေ။

ဗမာတိရခိုင်ပြည်ကို ဒမြ၀င်တိုက်ပနာ နယ်ချဲ့ ကျူးကျော်သိမ်းပိုက်လိုက်တေအတွက် ရခိုင်ရို့ ၏ လူသားဆန်မှု၊ လူပီသမှု၊
လူ့ သဘာဝ၊ လူ့ စရိုက်လက္ခဏာတိ အားလုံးပျောက်ဆုံးလားခရရေ။ အဖျက်ခံလားခရရေ။ လူ့  ဘောင်၏ အသက်သွီးကြော ရီသောက်မြစ်ဖြစ်တေ စာပီကို ဗမာက ဖျက်လိုက်ခြင်းရေ ရခိုင်ရို့ ဦးနှောဏ်ကို စနစ်တကျဖျက်ဆီးလိုက်ခြင်းပင် ဖြစ်တေ။ ၁၈ ရာစုအကုန်လောက်ကပင် ရခိုင်တိ ဗမာကျွန်ဖြစ်လာခြင်းရေ အဂုဆိုကေ နှစ်ဆယ့်တစ်ရာစုထဲကို ၀င်ပါလတ်ဗျာယ်။ အေအတိုင်းရာ ရှိဆက်ပြီးကေလားနိန်လီဖို့ ဆိုကေ ဒေနှစ်ဆယ့်တစ်ရာစုအကုန်မှာ ရခိုင်ဆိုရေ လူမျိုးကို ဒေကမ္ဘာ့မြီပြင်ထက်မှာ ရှာလို့ တွိနိုင်လီဖို့ မဟုတ်ဗျာယ်။ ယင်းအတွက်နန့်  ဒေနှစ်ဆယ့်တစ်ရာစုစွာ ရခိုင်ပြည်နန့် ရခိုင်လူမျိုး လွတ်မြောက်ဖို့  နောက်ဆုံးရာစု (The Last Century) ပင် ဖြစ်တေ။


ရခိုင်လွတ်မြောက်ရေးလှုပ်ယှားမှုသမိုင်းအတိုချူပ်

ဗမာကိုလိုနီကျွန်ဘ၀က လွတ်မြောက်ဖို့  ရခိုင်သားတိ ခေတ်အဆက်ဆက် ကြိုးစားခကတ်တေ။ ရခိုင်လူမျိုး မျိုးပျောက်မျိုးမတုံးလားရအောင် ပုံစံအမျိုးမျိုးနန့် ထိန်းသိမ်းစောင့်ရှောက်လာခကတ်တေ။ ယေကေလေ့ အေနိန့် ထက်ထိ မလွတ်လပ်သိမ့်။ အေနိန့် ထက်ထိ ကိုယ့်လူမျိုးကို ထထိရရောက် ကာကွယ်မစောင့်ရှောက်နိုင်သိမ့်။ အပြင်က ဗမာတိ၏ဂုတ်သွီးစုပ်နှိပ်စက်ကိုလိုနီလုပ်ခြင်းအားက ပြင်းအားကြီးလွန်းရေအတွက် ရခိုင်ပြည်နန့် ရခိုင့်လူ့ ဘောင် တရက်ထက်တရက် ပိုလို့ လုံးပါးပါးပါလတ်တေ။

ခေတ်တိုင်းရာစုတိုင်းမှာ ရခိုင်သားတိရေ ဗမာကိုလိုနီဒမြစစ်ရာဇ၀တ်ကောင်တိကို ရရေလက်နက်ကိုင်ပနာ တော်လှန်ခကတ်တေ။ နိုင်ငံရေးအတွေးအခေါ်အမျိုးမျိုး အယူအဆ၀ါဒအဖုံဖုံနန့်  အန်တုခကတ်တေ။ ယေကေလေ့ ထိရောက်တေ တုံ့ ပြန်မှုက မဖြစ်လာသိမ့်။ မျှော်မှန်းရေအပြောင်းအလဲတိလေ့ မဖြစ်လာသိမ့်။

အဂုနှစ်ဆယ့်တစ်ရာစုထဲကို ၀င်ပါလတ်ဗျာယ်။ ကမ္ဘာကြီးက ကမ္ဘာပိုဆန်ပနာ လူတိကလူပိုပီသပါလတ်တေ
ဒေနိန့် ခေတ်အိုင်တီနည်းပညာတော်လှန်ရေးလှိုင်းနန့်  ကမ္ဘာ့ရွာချေထဲမှာ ရခိုင်တိဇာလုပ်ကတ်ဖို့ လဲ ဆိုရေ မိန်းခွန်းက ထွတ်ကျပါလတ်တေ။ ငါရို့ တိလွတ်မြောက်အောင် ဇာပိုင်လုပ်ကတ်ဖို့ လဲ။ ဇာနိုင်ငံရေးအဖြေက ငါရို့ တိလွတ်မြောက်အောင် လမ်းပြပီးနိုင်ဖို့ လဲ။ ဇာနိုင်ငံရေးအတွေးအခေါ်က ငါရို့ တိဘ၀နန့် အနာဂတ်ကို ပြန်ရလာအောင် စွမ်းဆောင်ပီးနိုင်ဖို့ လဲ။ အေမိန်းခွန်းတိကို မိန်းပနာ အဖြေရှာဖို့  ငါရို့ ပိုင်ရေ ဦးနှောဏ်ကို အလုပ်ပီးဖို့ အချိန်ကာလတခုကို ရောက်ပါလတ်တေ။

နောက်ဆုံးရာစုအတွက် ရခိုင်နိုင်ငံရေးအတွေးအခေါ်

သန်းချီရေရခိုင်သားတိကို သတ်ပနာ ဗမာတိက ရခိုင်နန့် ဗမာကြားက နိုင်ငံရေးပဋိပက္ခ၏တန်ဖိုးကို သတ်မှတ်လိုက်တေ။ အချူပ်အခြာအာဏာ၊ လွတ်လပ်ရေးနန့်  ရခိုင်ရို့ ဘ၀အနာဂတ်ကို ပြန်လိုချင်ကေ ဒေတန်ဖိုးကို ပီးရဖို့ ။ ဗမာက နိုင်ငံရေးအာဏာကို လိုချင်ကေ တိုက်ယူလို့ ပြောထားရေ။ ဗမာက ရခိုင်ပြည်ကိုရဖို့  ရခိုင်သားတိကို ကျူပင်ခွတ် ကျူငုတ်ချေတောင် မကျန်စီကေ့ဆိုရေ ပေါ်လစီ နန့် မျိုးပြုန်းအောင် သတ်ပြီးကေ ယူခကတ်တေ။ ယင်းအတွက်နန့်  ရခိုင်သားက ရခိုင်ပြည်ကို ပြန်လိုချင်ကေ တရားမျှတလွတ်လပ်ငြိမ်းချမ်းခေတ်မှီတိုးတက်ပနာ ကမ္ဘာရွာမှာ လူရာဝင်ရေ ရခိုင်ပြည်သစ်ထူထောင်ချင်ကေ ဗမာတိနားလည်ရေ ဘာသာစကားကို သုံးပနာ တိုက်ယူမှရာ ရနိုင်ဖို့ ။ ငါးပါးသီလ ရှစ်ပါးသီလ နိဗ္မာန်ရောက်ကြောင်းတရားတိ ဟောပနာ ဗမာဘားက ရခိုင်ပြည်ကို လားတောင်းလို့ ရဖို့ မဟုတ်။ ဗမာတိ အကွန်ဆောင်ပနာ အချိန်ဖြုန်းနိန်ရေ ရီပေါ်ဆီနိုင်ငံရေးစီးကြောင်းထဲမှာ မျှောပါပနာ ဒီမိုကရေစီ လူ့ အခွင့်အရေးလို့  လားအော်နိန်ကေ ရခိုင်သားစွာ အနှစ်သာရမဟိ လူတိမြှောက်ပီးတိုင်းကရေ မျောက်ဘ၀ကို ရောက်လားနိုင်ရေ။

It is double pleasure to deceive the deceivers လို့  နိုင်ငံရေးအတွေးအခေါ်ပညာသျှင် မာခီဗဲလီ က ပြောခရေ။ ယင်းအတွက်နန့်  လူစိတ်ပျောက်နိန်ရေဗမာဒမြမုဒိမ်းကောင်တိကို ရရေလက်နက်နန့် ဆုံးမအပြစ်ပီးခြင်းရေ မြင့်မြတ်တေအလုပ်ပင်ဖြစ်တေ။ ဒမြကို ဒမြတိုက်လို့  အပြစ်မဖြစ်။ နှစ်ပေါင်းနှစ်ရာကျော် ကျွန်ဘ၀မှာ ရခိုင်သားသန်းနန့် ချီပနာ အသတ်ခံရပြီးကေ ဗမာတိတယောက်စနှစ်ယောက်စချေတောင် ရခိုင်ဘားမှာ အသတ်မခံရခြင်းရေ ရခိုင်သားတိမှာ သတ္တိမဟိ တခုစွမ်းအားလေ့မဟိ ကမ္ဘာလောက်ညံ့ရေ ဆိုစွာကို ဖော်ပြနိန်ရေ။ ဒေချင့်ကို ပြောင်းပြန်လှန်နိုင်ခါမှရာ ရခိုင်ရို့ လိုချင်နိန်ရေ အားသစ်အင်သစ်နန့် အသက်ပြန်ဝင်လာရေ ရခိုင်ပြည်သစ် (A revitalized Arakan) ကို ထူထောင်လို့ ရလာနိုင်ဖို့ ။

ရခိုင်ရို့ အတွက် သီရေးရှင်ရေးဖြစ်နိန်ရေ ဒေနှစ်ဆယ့်တစ်နောက်ဆုံးရာစုအတွက် ရခိုင်ရို့ နိုင်ငံရေးအတွေးအခေါ် (၀ါ) ရခိုင်သားတိုင်းလက်ကိုင်ကျင့်သုံးသင့်ရေ အယူအဆက ဇာချင့်ဖြစ်သင့်လဲ။ မျိုးဆက်သစ်ရခိုင်သမ ရခိုင်သားချေတိုင်းမှာ အဖြေကိုယ်စီတော့ ဟိကတ်ဖို့ လို့  ထင်ရေ။

ငါ့မှာကတော့ကေ ရခိုင်ပြည်သစ်ကို ထူထောင်လာကတ်ဖို့  မျိုးဆက်သစ်တိအတွက် စကားငါးခွန်းလက်ဆောင် ဟိရေ။ ယင်းချင့်တိက

(1) Respect for yourself
(2) Love for yourself
(3) Think for yourself
(4) Believe for yourself
(5) Free for yourself or an unconditional freedom over yourself

(၁) မိမိကိုယ်ကို လေးစားအသိအမှတ်ပြုပါ။
လူစွာ ကိုယ့်ကိုယ်ကို အယင်ဆုံးလေးစားရရေ။ ကိုယ့်သိက္ခာကို မိမိကိုယ်တိုင် အသိအမှတ်ပြုရရေ။ မိမိကိုယ်ကို တန်ဖိုးမထားမလေးစားရေ လူစွာ တခြားလူတိကိုလေ့ မလေးစားရေပိုင် တခြားလူတိကလေ့ ယင်းသူ့ ကို အသိအမှတ်ပြု
ဖို့ မဟုတ်။

(၂) မိမိကိုယ်ကို ချစ်မြတ်နိုးပါ။
လူစွာ ကိုယ့်ကိုယ်ကို အယင်ဆုံးချစ်တတ်ရရေ။ ကိုယ့်ကိုယ်ကို မချစ်တေလူစွာ တခြားလူတိကိုလေ့ မချစ်တတ်မစာနာတတ် နားမလည်တတ်တေပိုင် လူတိကလေ့ ယင်းသူ့ ကို ချစ်လာဖို့ မဟုတ်။ မြတ်နိုးတန်ဖိုးထားလာဖို့ မဟုတ်။

(၃) မိမိကိုယ်ကို စိုင်းစားတွေးခေါ်ပါ။
Don't just repeat what other people say, but use your own reason to develop a judgement. တခြားလူတိပြောစွာကို ထပ်မပြောကေ့။ ကိုယ်ပိုင်ဆင်ခြင်ဥာဏ်သုံးသပ်မှုနန့်  ဆုံးဖြတ်ချက်ချနိုင်အောင်လုပ်ပါ။ Forget all existing knowledge, trust only your own reason- the only certainty you have got. ဟိပြီးသား လူများတိစိုင်းစားထားပြီးသား အတွေးအခေါ်အယူအဆတိကို မိန့် ပစ်လိုက်။ အတွေးအခေါ်ဟောင်းတိမှာ ဒေခေတ်ကာလနန့် အသုံးမတည့်စွာတိ အများကြီးပါနိန်ရေ။ ကိုယ့်မှာဟိရေ အသေချာဆုံး ကိုယ်ပိုင်ဆင်ခြင်ဥာဏ်ကို ယုံခြင်းက အကောင်းဆုံးပင် ဖြစ်တေ။

(၄) မိမိကိုယ်ကို ယုံကြည်ပါ။ (ဗုဒ္ဓဘုရားက ပြောခရေ မိမိကိုယ်သာ ကိုးကွယ်ရာ- အေချင့်က ဘာသာရေးအတွေးအခေါ်)
အဂု အေနိန်ရာမှာ ပြောချင်ရေ မိမိကိုယ်ကို ယုံကြည်ပါ ဆိုရေ တွေးခေါ်မှုက နိုင်ငံရေးတော်လှန်ရေးအတွက်။ လူစွာ ကိုယ့်ကိုယ်ကို အယင်ဆုံးယုံကြည်ရရေ။ ကိုယ့်ကိုယ်ကို ယုံကြည်ခါမှရာ တခြားလူတိကို ယုံပါလတ်တေ။ ယင်းအတွက်နန့်  တခြားလူတိကလေ့ အပြန်အလှန်ယုံရေ။ ငါလုပ်ကေ ဖြစ်တေ ဆိုရေ ယုံကြည်မှုမျိုး ဟိပါ။

(၅) မိမိကိုယ်ကို လွတ်မြောက်စီပါ။
လွတ်လပ်တေ တိုင်းပြည်နိုင်ငံဆိုစွာ လွတ်လပ်တေလူတိနန့် ဖွဲ့ စည်းထူထောင်ထားခြင်းပင် ဖြစ်တေ။ ရခိုင်ပြည်လွတ်လပ်ချင်ကေ ရခိုင်သား ရခိုင်သမ တစ်ဦးချင်း တစ်ယောက်ချင်းစီ အယင်ဆုံးလွတ်လပ်အောင် ကိုယ့်ခြီထောက်မှာ ကိုယ်ရပ်နိုင်အောင် မိမိကိုယ်ကို လွတ်မြောက်အောင် လုပ်ရဖို့ ။
ရခိုင်သားတိမှာ ဟိနိန်ရေ ဗမာကစနစ်တကျမှိုင်းတိုက်ထားရေ အကျင့်ဆိုးချေတခု ရခိုင်သားတစ်ယောက် ကိုယ့်ကိုယ်ကို လွတ်မြောက်အောင် ပညာရေးအရ အတွေးအခေါ်အရ စီးပွါးရေးအရ ကြိုးစားအားထုတ်လုပ်ဆောင်ကေ အထက်ကိုတက်ဖို့  အားထုတ်ကေ မနာလိုကြီးကျပနာဝိုင်းပနာဆွဲချကတ်ခြင်းပင် ဖြစ်တေ။

မင်းလောင်းမရှာကေ့။ ဂေါင်းဆောင်မမျှော်ကေ့။ မိမိကိုယ်ကို မင်းဖြစ်အောင် ရခိုင်ပြည်သစ်ကိုထူထောင်နိုင်ရေ အမျိုးသားဂေါင်းဆောင်ဖြစ်အောင် ကြိုးစားပါ။ ရခိုင်ပြည်စွာ ငရဲပြည်ပိုင်မှောင်ကြီးကျနိန်အောင် ဗမာက လုပ်ထားရေ။ စက်ရုံအလုပ်ရုံလူမှုတက်လမ်း စီးပွါးရေးအခွင့်အလမ်း တခုချေလေ့ ရခိုင်ပြည်မှာ မဟိ။ ဗမာပဒေသရာဇ်ကိုလိုနီစစ်ဝါဒီတိ စနစ်တကျနှိပ်စက်နိန်လို့  ရခိုင်ပြည်က သောင်းနန့် သိန်းနန့် ချီရေ ရခိုင်သားတိ ပြည်ပတိုင်းပြည်တိကို
ထွက်ပြီးလာနိန်ကတ်ရရေ။
တိုးတက်တေ အနောက်တိုင်းကနိုင်ငံတိကို ရောက်လာကတ်တေ အချိန်မှာလေ့ မိမိ၏မွီးရာပါ အခွင့်အရေးဖြစ်တေ မိမိကိုယ်ကို လွတ်မြောက်အောင် တိုးတက်အောင် လုပ်ပိုင်ခွင့်တိစွာ အတားအဆီးအနှောင့်အယှက်တိနန့် ကြုံတွိနိန်ကတ်ရရေ။ တခြားလူတိတော့ မဟုတ်။ ရခိုင်ထဲက ရခိုင်တိ။ အယင်ရောက်နိန်ရေ တောင်းဆိုးတိ။ အေသူရို့ အတွေးအခေါ်က ကမ္ဘာဆိုရေ နာမေတပ်ပနာ တယောက်ဘားက ငါးဒေါ်လာစီကောက်ပြီးကေ လူမှုရေးအဖွဲ့  ဖွဲ့ ပနာ ရခိုင်သားချေတိကို ထိန်းချူပ်ထားလိုက်တေ။ ရခိုင်သားက ရခိုင်သားကို ရုန်းလို့ ရွံ့ လို့ လလွတ်လလပ်လားလို့ မရအောင် အချင်းချင်းကျစ်ထားလိုက်တေ။ ဆရာကြီး ပညာတတ်ကြီးဆိုရေ အရှိန်အ၀ါနန့်  ရခိုင်သားချေတိ ဦးနှောဏ်ကို ဖောက်စားလိုက်တေ။ အကျိုးရလဒ်က ရွက်နုချေတိ အညွန့် တလူလူတက်ဖို့ မရပဲ တောင်းဆိုးအချူပ်ခံလိုက်ရခြင်းပင် ဖြစ်တေ။ ငါးဒေါ်လာစီထည့်ပြီးကေ စတိတ်မန့် တိထုတ်ပနာ ဖုန်းကွန်ဖရင့်တိလုပ်နိန်ကတ်ခြင်းကိုပင် မဟာကြီးကျယ်ရေ အလုပ်
လို့ ထင်လားကတ်ပနာ ယုံကြည်ခြင်းအမှားနန့် လမ်းမှားထက်မှာ လားနိန်ကတ်တေ။ ငါးဒေါ်လာစိတ်ဓါတ် (၀ါ) မဆမအတွေးအခေါ်နန့်  တခုလူ့ ဘောင်ကိုလေ့ ထူထောင်လို့ မရ။ အေထက်ကြီးကျယ်မြင့်မြတ်ကျယ်ပြန့် ရေ အတွေးအခေါ်အမြင်သစ်တိ လိုရေ။
ကြီးကျယ်မြင့်မြတ်တေ အတွေးအခေါ်တိရလာဖို့  မိမိကိုယ်ကို လွတ်မြောက်အောင် အယင်လုပ်ရဖို့ ။ အမေရိကရောက်ကေ အမေရိကန်က အကောင်းဆုံးတက္ကသိုလ်တိမှာ တက်နိုင်အောင် ကြိုးစားရဖို့ ။ စီးပွါးရေးအားသန်ကေ သန်းကြွယ်သူဌေးဖြစ်လာအောင် လုပ်ရဖို့ ။ အင်္ဂလိပ်စကားပြောရေ တိုင်းပြည်ကို ရောက်ပြီးကေ အင်္ဂလိပ်စကား တလုံးချေတောင်မတတ်ဆိုကေ နတ်ပြည်ရောက်ပြီးကေ နတ်ပြည်အကြောင်းကို မသိမလေ့လာ မစူးစမ်းခြင်းရေ လမ်းမှန်ထက်မှာ လားနိန်ခြင်း မဟုတ်လို့ ပြောရဖို့ ။
ရခိုင်ပြည်လွတ်မြောက်ဖို့  သွီးစစ်တေ တော်လှန်ရေးလုပ်ချင်ကေ ရခိုင်သားရခိုင်သမတိုင်း မိမိကိုယ်ကို အယင်ဆုံးတော်လှန်ရဖို့ ။ အသွင်ပြောင်းရဖို့ ။ Transform လုပ်ရဖို့ ။ လွန်ခရေ ဆယ်နှစ်လောက်လေ့ ဒေအကျင့်စရိုက် (အချင်းချင်း အခြင်းပြောဖို့ ။ ရခိုင်အချင်းချင်းတယောက်ကိုတယောက် အပြစ်တင်နှိမ်ချဝေဖန်ဖို့ ။) အဂုလေ့ ဒေအကျင့်စရိုက် ဆိုကေ ငါရို့ ရခိုင်သားတိစွာ ဗမာကျွန်ဖြစ်ဖို့  ဒေကမ္ဘာမြီထက်မှာ မွီးပါလတ်ကတ်တေလို့ ရာ သုံးသပ်ရဖို့ ပိုင် ဖြစ်ပါလတ်ဖို့ ဒေ။

မာရာယုစိတ်ဓါတ်နန့် နိဂုံး

မာရာယုမဟိခကေ ရခိုင်ပြည်လေ့မဟိရေပိုင် ရခိုင်လူမျိုးလေ့ ဟိလာဖို့ မဟုတ်။ ယင်းအချိန် ယင်းကာလက မာရာယုလက်ထဲမှာ ဓါးချေတချောင်းရာ ဟိလီဖို့ ။ ယေကေလေ့ ငါဦးဆောင်ပနာတိုင်းသစ်ပြည်သစ်ထူထောင်လားဖို့  ဆိုရေ စိတ်ဓါတ်က အပြည့်ဟိနိန်လီဖို့ စွာ သေချာရေ။ ယင်းကာလက ရခိုင်ပြည်စွာ တောကြီးမျက်မည်း။ ယပြီးကေ လူသားစားရေ အရိုင်းအစိုင်းကောင်တိကလေ့ မာရာယုကို သတ်ဖို့ စောင့်နိန်ရေ။ အေပိုင် ရန်တိအားလုံးကို ရှင်းပနာ ပထမဓည၀တီကို ထူထောင်နိုင်ခရေ ရခိုင်သားအားလုံး၏အဖ မာရာယုနန့်  မာရာယုစိတ်ဓါတ်ကို ငါရို့ တိအတုယူသင့်ရေ။

ယင်းအတွက်နန့်  ဒေစာကိုဖတ်လိုက်တေ မျိုးဆက်သစ်တိ အေနိန့် ကပင် စပနာ ရခိုင်အမျိုးသားဂေါင်းဆောင်တိ ဖြစ်လာအောင် လုပ်ယူပါ။ နောင်တချိန်မှာ ရခိုင်သားတိက ရုပ်ထု ထုပနာ ဂုဏ်ပြုလာဖို့  ရခိုင်သားတိုင်း၏အိမ်မှာ ဓါတ်ပုံချိတ်ဆွဲထားလာဖို့  ဂေါင်းဆောင်တိဖြစ်လာအောင် ဒေနိန့် ကာလ ရခိုင်သားချေတိ ကြိုးစားဖို့ လိုအပ်တေ။ ရခိုင်ဆိုရေ လူမျိုးတမျိုး ဗမာပဒေသရာဇ်ကိုလိုနီနယ်ချဲ့ ဒမြစစ်ဝါဒီတိ လက်ထဲမှာ မျိုးမတုံးလားစီဖို့  ရခိုင်မျိုးဆက်သစ်ချေတိ အရာရာကို စွန့် လွှတ်ပနာ တိုက်ပွဲဝင်လားကတ်ရဖို့  တာဝန်က ပက်ခုံးထက်ကို ကျပါလတ်တေ။ ဒေ နှစ်ဆယ့်တစ်နောက်ဆုံးရာစုမှာ ရခိုင်ပြည်
နန့် ရခိုင်လူမျိုး လွတ်မြောက်ရဖို့  ဆိုရေ သံဓိဌါန်ကို ချပနာ အားသစ်အတွေးအခေါ်သစ် နည်းလမ်းသစ် ပုံစံသစ်နန့်  သွီးစစ်တေတော်လှန်ရေးကို ဖော်ဆောင်လားကတ်ရပါဖို့ ။

Sunday, August 8, 2010

လူ့ ဘောင်ပြောင်းလဲမှုပုံစံနှစ်ခုနန့်  ရခိုင်ရို့ အတွက်အဖြေ

ရခိုင်သားက ရခိုင်သားဘားကိုလိပ်မူပနာ ပို့ ရေစာတိကို ရွီးထားစွာက ဗမာအောက်သားခွီးစာဖြစ်နိန်ရေ။
ရခိုင်သားက ရခိုင်သားဘားကို ရွီးပနာပို့ ရေ အီးမေးလ်တိကို ရွီးထားစွာက ဗမာခွီးတိစာ ဖြစ်နိန်ရေ။
ရခိုင်သားက ရခိုင်သားတိဖတ်ဖို့  ထုတ်ဝီရေ သတင်းစာကို ရွီးထားစွာစာကလေ့ ဗမာခွီးစာ ဖြစ်နိန်ရေ။
ရခိုင်သားက ရခိုင်သားတိဖတ်ဖို့  ဖွင့်ထားရေ သတင်းဝပ်ဆိုက်စာမျက်နှာတိကိုလေ့ ဗမာခွီးစာနန့် ရွီးထားရေ။
ရခိုင်သားက ရခိုင်သားကို မနာလိုလို့ တိုင်ရေစာကို ရွီးထားစွာကလေ့ ဗမာခွီးစာ ဖြစ်နိန်ရေ။
အေပိုင် ကိုယ့်ထမင်းကိုကိုယ်စားပြီးကေ ကိုယ့်ဆီပုလင်းနန့် ကိုယ့်ဖင်ကိုဆွတ်ပနာ လားခံရေ ဖင်ခံဝါဒထွန်းကားနိန်ရေကာလပတ်လုံး ရခိုင်လူမျိုးစွာ ကမ္ဘာ့မြီပြင်ထက်မှာ လွတ်လပ်တိုးတက်
ဖွံ့ ဖြိုးခေတ်မှီအသိဥာဏ်ပြည့်ဝယိုင်ကျေးရေ လူမျိုးတစ်မျိုးတခါချေလေ့ ဖြစ်လာလီဖို့ မဟုတ်။

ကိုယ့်နှာခေါင်းနန့် အသက်ရှူချင်ရေစိတ်ဓါတ်မဟိ၊ ကိုယ့်ခြီထောက်မှာကိုယ်ရပ်ပနာ လားဝံ့ရေ သတ္တိမဟိ၊ ကိုယ့်စာကို ကိုယ်မရွီးရေ တန်ဖိုးမထားရေ လူမျိုးတစ်မျိုးစွာ ကမ္ဘာ့ရွာမှာဝင်ဆန့် ရေ လူမျိုးတစ်မျိုး တခါချေလေ့ဖြစ်လာလီဖို့ မဟုတ်။

ကိုယ့်စာနန့် ရာ သွီးစစ်ခိုင်ခန့် ရေရှည်လားနိုင်ရေ ညီညွတ်ရေးကို တည်ဆောက်နိုင်ရေ။ ကိုယ်ပိုင်စာပီမဟိကေ ညီညွတ်ရေးဆိုရေ စကားလုံးကို ဖင်ပြဲအောင်တသက်လုံးအော် တခါချေလေ့ဖြစ်လာလီဖို့ မဟုတ်။

ကမ္ဘာ့တိုင်းပြည်နိုင်ငံတိမှာ ဦးဆောင်ခြင်းတာဝန်တိကိုယူပနာ အလုပ်လုပ်နိန်ကတ်တေ နိုင်ငံရေးသမားဂေါင်းဆောင်တိမှာ ဖင်ခံစိတ်ဓါတ်တိမဟိကတ်။ ဖင်ခံဝါဒဟိရေ လူတိလေ့ ဂေါင်းဆောင်မဖြစ်ကတ်။ ဇာဖြစ်လို့ လဲဆိုကေ ဖင်ခံတိကို လူတိကမကြိုက် မထောက်ခံလို့ ပင်ဖြစ်တေ။

၂၀၀၁ ခုနှစ် စက်တင်ဘာလ ၁၁ ရက်နိန့်  အမေရိကန်နိုင်ငံကို ဘင်လာဒင်ရို့ ဝင်တိုက်လိုက်တေနောက်ပိုင်း အိမ်ဖြူတော်မှာလုပ်တေအစည်းအဝေးမှာ သမ္မတဘုရ်ှက " I don't care what the international lawyers say. We're going to kick some ass!". လို့  ပြောလိုက်တေ။ ဂေါင်းဆောင်တိမှာ ဖင်နှက်ဝံ့ရေ သတ္တိဟိကြောင်းကို ပြလိုက်ခြင်းပင် ဖြစ်တေ။ ယင်းနောက်ပိုင်းမှာ အားလုံးသူရို့ သိကတ်တေအတိုင်း အမေရိကန်တိပဇာ့က ဒီမိုကရေစီနန့် 
လူ့ အခွင့်အရေးဆိုရေ စကားနှစ်လုံးကိုပြောပနာ အာဖဂန်နန့် အီရတ်နှစ်နိုင်ငံကို ဖျက်ပစ်လိုက်တေ။ ကျားဖင်ကို လားနှိုက်တေ ကုလားတိအတွက် အကောင်းဆုံးလက်ဆောင်ပီးလိုက်ခြင်းပင် ဖြစ်တေ။

အဓိကပြောချင်ရေ ပွိုင့်က ရခိုင်သား ရခိုင်သမချေတိ ဂေါင်းဆောင်လုပ်ချင်ကေ ကိုယ့်ရခိုင်ပြည်နန့် ရခိုင်လူမျိုးကို လွတ်လပ်အောင်လုပ်ချင်ကေ ဖင်ခံစိတ်ဓါတ်လုံးဝမဟိအောင် အရင်ဆုံးလုပ်ရဖို့ ။ ဖင်ခံစိတ်ဓါတ်ဟိရေ ရခိုင်သားတိကိုလေ့ တိုက်ဖျက်ပစ်လိုက်ရဖို့ ။ စံရဖွေကစပနာ ဒေနိန့် ကာလအထိ ရခိုင်ရို့ လူ့ ဘောင်မှာ ဖင်ခံတိအများကြီးဟိနိန်ရေ။ ဒေပိုင်လူတန်းစားပျက် ကိုယ်ကျိုးရှာ ဖင်ခံတိဟိနိန်လို့  ဗမာခွီးတိဘားမှာ ရခိုင်ပြည်နန့် ရခိုင်လူမျိုး ကျွန်ဖြစ်နိန်ရခြင်းပင်ဖြစ်တေ။ မီးများမီးနိုင် ရီများရီနိုင် ဆိုရေ စကားပိုင် ဖင်နှက်ဝံ့ရေလူတိများလာပနာ ဖင်ခံတိပျောက်လားအောင် လုပ်နိုင်ခါမှရာ ရခိုင်လူထုလွတ်မြောက်ရေးအတွက် ဗမာခွီးတိကိုတော်လှန်ရေး သွီးစစ်တေအမျိုးသားနိုင်ငံရေးလှုပ်ယှားမှုကြီး ဖြစ်လာနိုင်ဖို့ ။

ကမ္ဘာ့နိုင်ငံတိုင်းပြည်လူမျိုးတိ လွတ်မြောက်မှုတော်လှန်ရေးသမိုင်းကြောင်းတိကို လေ့လာကြည့်လိုက်ကေ ချဉ်းကပ်မှုပုံစံနှစ်ခုကိုတွိရရေ။ တစ်ခုက ဂေါင်းဆောင်ကြီးဦးဆောင်မှုပုံစံ ဖြစ်ပြီးကေ နောက်တစ်ခုက စုပေါင်းဦးဆောင်မှုပုံစံပင် ဖြစ်တေ။

တရုတ်ပြည်သမိုင်းကိုလေ့လာကြည့်ကေ ဂေါင်းဆောင်ကြီးဦးဆောင်မှုပုံစံကိုတွိရရေ။ အမိန့် အာဏာပေါ်လစီချရေ အပိုင်းတိအားလုံးကို မော်စီတုန်းကကိုင်ထားပနာ တော်လှန်ရေးလုပ်ခစွာကို တွိရရေ။ ကိုယ်ပိုင်အသိဥာဏ်မဟိ မင်းလောင်းမျှော်နိန်ရေလူတိအတွက် အေပိုင် ဂေါင်းဆောင်ကြီးဦးဆောင်မှုပုံစံနန့် ကိုက်တေ။ ယေကေလေ့ အေ ဂေါင်းဆောင်ကြီးဦးဆောင်မှုပုံစံက အာဏာသျှင်ကို မွီးထုတ်ပီးတတ်တေ။

အမေရိကန်ရို့ လွတ်မြောက်မှုသမိုင်းကိုလေ့လာကြည့်ကေ စုပေါင်းဦးဆောင်မှုပုံစံနန့် လားခစွာကို တွိရရေ။လယ်သမားကြီး ဂျော့ရ်ှဝါချန်တန်ကို ဦးဆောင်ပနာ တိုက်ခိုင်းကေလေ့ အတွေးအခေါ်ပေါ်လစီမဟာဗျူဟာချရေ တခြားလူတိကနောက်မှာအများကြီးဟိနိန်ခရေ။ အေပိုင် စုပေါင်းဦးဆောင်မှုပုံစံနန့် လားဖို့ ဆိုကေ ကိုယ်ပိုင်အသိဥာဏ်ဟိရေ စွမ်းရည်ဟိရေ နိုင်ငံရေးအတွေးအခေါ်ပြည့်ရေ လူတိအများကြီးလိုအပ်တေ။ ဒေ စုပေါင်းဦးဆောင်မှုပုံစံက ဒီမိုကရေစနစ်ကို အကောင်အထည်ဖော်နိုင်ရေ ရီခံမြီခံကောင်းကို ဖန်တီးပီးတတ်တေ။

၂၁ ရာစု လွတ်လပ်ပွင့်လင်းရေကမ္ဘာ့ရွာမှာ လူဖြစ်နိန်ကတ်ကေလေ့ ဗမာခွီးတိဘားမှာ ကျွန်ဖြစ်နိန်ကတ်တေ ရခိုင်သားတိအတွက် အထက်က ပုံစံနှစ်ခုထဲက ဇာပုံစံစွာ သင့်တော်ဖို့ လဲ။

ဖင်ခံတိ မင်းလောင်းမျှော်နိန်ရေလူတိ ကိုယ်ပိုင်အသိဥာဏ်စိုင်းစားတွေးခေါ်မှုတိမဟိရေ လူတိ ရခိုင်လူ့ ဘောင်မှာ များနိန်ကေတော့ကေ ဂေါင်းဆောင်ကြီးဦးဆောင်မှုပုံစံက အကောင်းဆုံးဖြစ်နိန်ဖို့ ။ ယေကေလေ့ ရခိုင်သားတိကို ဦးဆောင်လား
ဖို့  ဂေါင်းဆောင်ကြီးစွာ စာတတ် PhD ဘွဲ့ ရ နိုင်ငံရေးအတွေးအခေါ်တိပြည့်ဝရုံနန့် မရ၊ ဖဲသာဟိဖို့ လေ့ လိုအပ်တေ။
ဇာဖြစ်လို့ လဲဆိုကေ အေနိန့် ကာလ ရခိုင်သားအများစုမှာ ဗမာခွီးတိသွီးစုပ်ထားလို့  လက်နန့် ဖ၀ါးရာ ဟိရေ။ ရုပ်ပိုင်း စိတ်ပိုင်း နှစ်ခုစလုံးမဟိကတ်။ ယင်းအတွက်နန့်  ရခိုင်ဂေါင်းဆောင်ကြီးလုပ်ချင်ရေ လူစွာ မော်စီတုန်းပိုင် အတွေးအခေါ်ဟိဖို့ လိုအပ် တေပိုင် ဘီးလ်ဂိတ်စ်ပိုင် ချမ်းသာဖို့ လေ့ လိုအပ်တေ။ ယေမှရာ ရခိုင်သားကို ဦးဆောင်လား
လို့ ရဖို့ ။ချင်းပျံတော်လှန်ရေးကို လေ့လာကြည့်ကေ ဂေါင်းဆောင်ကြီးဦးဆောင်မှုပုံစံနန့် လားခစွာကို တွိရရေ။ ယင်းခေတ်က ရခိုင်သားတိစွာ ပဒေသရာဇ်အာဏာသျှင်ကို မကြိုက်လို့ ချင်းပျံတော်လှန်ရေးမအောင်မြင်ခ။ ဗမာခွီးတိလက်ထဲကို ရခိုင်ပြည်ပြန်ကျလားခရရေ။

နိုင်ငံရေးစွာ ကျယ်ပြန့် ရေ။ လူတစ်ယောက် လူတစ်စု တစ်ဖွဲ့  တစ်ပါတီ၏အလုပ်မဟုတ်။ လူတိအားလုံး၏အလုပ်။ ယင်းအတွက်နန့်  နိုင်ငံရေးဆိုစွာ ဖြစ်လာဖို့  လူတိအားလုံးက ၀ိုင်းဝန်းပြီးကေ လုပ်ရရေ။ လူတိအားလုံးပါရရေ။ အေပိုင် နိုင်ငံရေးသဘာဝအတိုင်းရာလားကတ်ဖို့ ဆိုကေ စုပေါင်းဦးဆောင်မှုပုံစံစွာ အကောင်းဆုံးပင် ဖြစ်တေ။ ယေကေလ့ စုပေါင်းဦးဆောင်မှုပုံစံနန့် လားဖို့ ဆိုကေ ရခိုင်သားတိမှာ ကိုယ်ပိုင်အတွေးအခေါ်ဟိရေ ကိုယ်ပိုင်အသိဥာဏ်ဟိရေ ကိုယ်ပိုင်စွမ်းရည်ဟိရေ လူတိအများကြီးလိုအပ်တေ။ ဒေပိုင် နိုင်ငံရေးပြည့်ဝရေ လူတိပေါ်လာဖို့  ဗမာခွီးစာကိုရွီးပနာ ဖင်ခံဝါဒ
နန့် အသက်ရှင်နိန်ကတ်တေ လူတိကို အယင်ဆုံးချွတ်ကတ်ရဖို့ ။ ဖင်ခံဝါဒကို အသီသတ်ပစ်လိုက်ရဖို့ ။ ဖင်ခံဝါဒကို အနုနည်း
နန့် တိုက်နိုင်စွာက စာပီပင်ဖြစ်တေ။

စာပီမဟိကေ နိုင်ငံရေးလေ့မဟိ တော်လှန်ရေးလေ့ မဟိ။ စာပီကရာ နိုင်ငံရေးတော်လှန်ရေးအပင်ပေါက်လာဖို့ 
မျိုးစိချပီးနိုင်ရေ။ စာပီကရာလူ့ ယိုင်ကျေးမှုကို ဖန်တီးနိုင်ရေ။

ယင်းအတွက်နန့်  ရခိုင်ရို့ စာ ရခိုင့်စာပီစွာ ရခိုင်လူမျိုးလွတ်မြောက်ဖို့ အတွက် ပထမဆုံးအဖြေပင် ဖြစ်တေ။


မြောက်ဦးကဘီလူး
၆ သြဂစ်စ်လ ၂၀၁၀

Wednesday, August 5, 2009

လမ်းသစ်နန့် လမ်းဟောင်းကြားက ဒွိဟ

လမ်းဟောင်းကိုစွန့် ခွါကတ်တေခါ လမ်းသစ်မှာ ကြုံလာရဖို့  အခက်အခဲ အတားအဆီး စိန်ခေါ်မှု အားစမ်းမှု ပတ်ဝန်းကျင်ကတိုက်ခတ်လာရေ လှိုင်းဒဏ်လီဒဏ်တိကို ခံနိုင်ရည်မဟိကေ ဖိအားတွန်းအားတိနန့် ရင်ဆိုင်ရပနာ ထိုမရောက်ဒေမရောက် လမ်းပျောက်လားတတ်တေ။ စိတ်ခွန်အားကို ပြည့်ဝအောင်လုပ်ထား ရပ်တည်မှုခိုင်ခိုင်မာမာနန့်  မလျော့ရေဇွဲကို ကိုင်ပနာလားခါမှ မျှော်မှန်းရေပန်းဖူးကို ရောက်နိုင်ဖို့ ။

ကမ္ဘာကြီးက ရပ်လို့ မနိန်ရေပိုင် လူတိလေ့ ပြောင်းနိန်ကတ်တေ။ အပြောင်းအလဲ အလှည့်အပြောင်းတိဆိုစွာ လူတိနန့်  ရင်းနှီးကျွမ်းဝင်ပြီးသား မိတ်ဆွေကောင်းတိဖြစ်ပါလတ်တေ။ ဒေပိုင် အခြေအနေတိအောက်မှာ တချို့ က အဟောင်းကို ချန်ထားပနာ အသစ်ဘားကို ဦးတည်ပြီးကေ လားကတ်တေ။ တချို့ က အဟောင်းထဲမှာ နစ်မြှပ်ပနာ ဘ၀ဆုံးလားကတ်တေ။ တချို့ က အဟောင်းထက် ပိုလို့ ဟောင်းရေ နိန်ရာကို ရွိလားနိန်ကတ်တေ။

သေချာနိန်စွာတစ်ခုက အချေခါဝတ်ခရေ အကျီင်္တိကို ကြီးခါ ပြန်ဝတ်လို့ မရရေပိုင် အသစ်ဆိုစွာ လစ်လျူရှူပစ်ပယ်ထား
လို့ ရရေ အရာမဟုတ်။ အသစ်နန့် မတွိချင်ပါ ပုန်းလို့ နိန်ပါဖို့ ဆိုကေတောင် အသစ်က အိမ်ထဲထိဝင်လာနိုင်ရေ။

ခြင်ချေတစ်ကောင်ကိုက်တေဒဏ် ပုရွက်စိတ်ချေတစ်ကောင်ကိုက်တေဒဏ်ကို မခံနိုင်လို့  လမ်းတစ်ပိုင်းမှာ
ကျန်လိုက်ဖို့  ဗျာယ် ရှိဆက်လို့ မလားနိုင်ဗျာယ် ဆိုခြင်းရေ အသစ်ကိုလိုချင်ရေ ကိုယ့်ယုံကြည်မှုကို အသီသတ်လိုက်ခြင်းပင် ဖြစ်တေ။

ဝီခွဲမရဒွိဟဖြစ်မှုက လူ့ စိတ်တစ်နိန်ရာမှာ ဟိနိန်တတ်တေ ခံစားချက်တစ်မျိုး။ ဒေခံစားချက်ကို အသိတရားနန့်  ဆီးပြီးခါမှ
သန့် ယှင်းလတ်ဆတ်တေ အမြင်နန့်  ရှိဆက်လားဖို့ ခရီးကို လှမ်းမြင်နိုင်ပါဖို့ ။

ခေတ်သစ်အိုင်တီဘလော့ဂ်စာမျက်နှာတိထက်က ရခိုင့်စာပီလှုပ်ယှားမှုစွာ ခါးဆက်အဖြတ်ခံထားရရေ အညွန့် ချိုး ခံထားရရေ ရခိုင်စာပီအပင်ကြီးပြန်ရှင်လာဖို့  မြီသြဇာ အားဆီးတစ်ခွက်ဖြစ်ပါလတ်တေ။ အေပိုင်အချိန်ကာလမှာ ဒေအပင်ကြီးရှင်သန်လာဖို့  အားလုံးဝိုင်းဝန်းပြုစုပျိုးထောင်ပီးမှုက လိုအပ်တေ။ အားစုံခါမှ အပင်လှပါဖို့ ။ ရွက်နုချေတိထွက် အပွင့်ချေတိပွင့်ပနာ အနံ့ ချေတိသင်းပျံ့ မွှီးကြိုင်လာပါဖို့ ။ တက်ညီလက်ညီ ကလောင်ချေတိစုံပနာ မိုးဒဏ် လီဒဏ် လှိုင်းဒဏ်တိကို ခုံခံကာကွယ်ပြီးကေ ရခိုင်စာပီအပင်ကြီးကို ၀ိုင်းရံပံ့ပိုးပီးလားကတ်ပါမေ။

Monday, August 3, 2009

ရခိုင်သားတိ မကဇတ်တတ်တေ ဂိမ်း

လူ့ အဖွဲ့ အစည်းဆိုစွာ မတည့်ရေလူတိ အတူတူနိန်ကတ်တေ အသိုက်အမြုံတစ်ခုရာ ဖြစ်တေ။ ယင်းအတွက်နန့်  နိုင်ငံရေးလူမှုရေးပြဿနာတိကို ဖြေယှင်းကတ်တေခါ မတူရေရှုထောင့်အမြင်အယူအဆတိကို ညှိနှိုင်းတိုင်ပင်ဆွေးနွေးပေါင်းစပ်ပနာ
လူ့ အဖွဲ့ အစည်းအတွက် ဇာချင့်ရေ အကောင်းဆုံးအဖြေဖြစ်ဖို့ လဲ ဆိုစွာကို ဆုံးဖြတ်ကတ်ရရေ။

အကျယ်ချဲ့ ပြောရဖို့ ဆိုကေ နိုင်ငံရေးလူမှုရေးဆိုစွာ ဘောလုံးကဇတ်တေပိုင် ဂိမ်းတစ်ခုကဇတ်စွာနန့် လားတူရေ။ အတွေးအခေါ်မတူရေ လူတိ ကိုယ့်နိန်ရာမှာ ကိုယ်နိန်လို့  ကိုယ့်အလုပ်ကိုယ့်တာဝန်ကို အကောင်အထည်ဖော်ပြီးကေ အပီးအယူတိလုပ်ပနာ အချိတ်အဆက်လုပ်ပြီးကေ ကဇတ်ရရေ ဂိမ်းတစ်ခုဖြစ်ပါရေ။ အေပိုင် ဂိမ်းကို ကဇတ်ချင်ကေ ပထမဆုံးထား
ရဖို့ စိတ်ဓါတ်ချေက အသင်းသားစိတ်ဓါတ် (၀ါ) ငါရို့ တိစွာ ဘက်တစ်ဘက်တည်းမှာ ဟိနိန်ရေလူတိလို့  ခံယူသိဟိနားလည်ထားရရေ အသိစိတ်ပင်ဖြစ်ပါရေ။ အသင်းထဲမှာ တစ်ယောက်ပဲ့ထွက်လားစွာနန့်  တစ်သင်းလုံးဒုက္ခရောက်တတ်တေ ဆိုရေ အသိ... ယေပြီးကေ ကိုယ့်အဖွဲ့ ထဲမှာ တစ်ယောက်နန့် တစ်ယောက် ဖိုက်နိန်ကတ်ကေ တစ်သင်းလုံးအယှုံးပေါ်ပနာ အိမ်ပြန်မလှဖြစ်ကတ်ရရေ ဆိုရေ သဘောတရားကို အောက်ခြီကျကျယုံကြည်ထားခါမှ ယင်းအသင်းစွာ ပန်းတိုင်ကိုအရောက်လှမ်းလားနိုင်ဖို့  ညီညွတ်ရေး ဆိုရေ စွမ်းအားကို ရဟိလာနိုင်ပါရေ။ ငါရို့ စွာပြိုင်ဖက်တိမဟုတ် ငါရို့ စွာ ရန်သူတိမဟုတ် ဆိုရေ အတွေးအခေါ်ကို အခြီခံကျကျအကောင်အထည်ဖော်ကျင့်သုံးနိုင်ရေ လူတိစွာ နိုင်ငံရေးလူမှုရေးဂိမ်းတိကို ချန်ပီယံတိထိုင်ငိုချင်စိတ်ပေါက်လားအောင် ကျွမ်းကျွမ်းကျင်ကျင် ကဇတ်တတ်ကတ်ပါရေ။

မ၀ီးသိမ့်ရေ အတိတ်ခြီရာကို ပြန်လှန်ကြည့်ရဖို့ ဆိုကေ ဗမာတိ ကားလ်မားဇ် (Karl Marx) လီနင် (Lenin) မော်စီတုံး (Mao Zedong) ရို့ ဘားက အယူဝါဒတိကို ကော်ပီကူးယူပြီးကေ ကိုယ်ပိုင်လမ်းစိုင်လုပ်ပနာ ဗမာပြည်ကွန်မြူနစ်ပါတီထောင်ရေ။ ယင်းပါတီလက်အောက်မှာ ရခိုင်သားတိကို အရက်ဝယ်ကြက်ဖမ်း ခိုင်းစားလို့ ရအောင် အဖွဲ့ ချေထောင်ပီးထားရေ။ ကကောင်းမကြာလိုက်။ အလံနီ အလံဖြူကွဲပြီးကေ ဗမာဘားမှာ အရက်ဝယ်ကြက်ဖမ်းဆီဆွတ်နိန်ရေ ရခိုင်သားကွန်မြူနစ်တိ အချင်းချင်းတိုက်ကတ်တေ။ သတ်ကတ်တေ။ နောက်ဆုံးအဖြေက ရခိုင်သားတိသီရေ။ ရခိုင်ပြည် ထထွက်ကြီရေ။ ရခိုင်သား
ရို့ ကိုယ်ပိုင်ဂိမ်း အမျိုးသားနိုင်ငံရေးလမ်းကြောင်း ပျောက်လားခရေ။

၁၉၈၈ ကပင် အဂု ၂၀၀၉ ခုနှစ်ထိ ဗမာတိကဇတ်နိန်ရေ ဂိမ်းက ဒီမိုကရေစီအရီခြုံပနာ စတုတ္ထဗမာအင်ပါယာထူထောင်ရေးဂိမ်း ဖြစ်နိန်စွာကို တွိရရေ။ ဗမာတိ ကဇတ်နိန်ရေ အေဂိမ်းက ပညာသားပါရေ။ အကွက်စိရေ။ တော်ရုံတန်ရုံလူတိဆိုကေ
အေသူရို့ ကဇတ်နိန်ရေ ဂိမ်းနန့်  မဟာဗျူဟာနည်းဗျူဟာတိကို ကြည့်လို့ မြင်နိုင်ဖို့ မဟုတ်။ အေ ဂိမ်းကဇတ်လို့  ဗမာတိဇာချင့်ရလားလဲဆိုစွာကို လက်တွိကျကျသိချင်ကေ ရခိုင်ပြည်က ရန်ကုန်ကို တောင်ကုတ်လမ်းအတိုင်းကားစီးပြီးကေ လားကြည့်ပါ။ ရိုးတောင်ထိပ်မှာ ရခိုင်ပြည်နယ်နမိတ်ကျော်လို့  ဗမာပြည်ဖက်ကို ရောက်စွာနန့်  ဗမာတိကဇတ်နိန်ရေ ဂိမ်း၏အကျိုးရလဒ်ကို သိမြင်လားနိုင်ပါရေ။ အေထက်ပိုသိချင်ကေ အညာဖက်ကိုလားပနာ ရခိုင်ပြည်က ရရေဖေးသာနန့်  ဆောက်ထားရေ ရီလှောင်တာတမံဆည်ကြီးတိကို လားကြည့်လိုက်ပါ။ အမြင်ချေတိ ယှင်းလားနိုင်ပါရေ။

ဗမာတိကဇတ်နိန်ရေ နိုင်ငံရေးဂိမ်းကို စောစောစီးစီးသဘောပေါက်လားခရေ လူမျိုးက “၀” လူမျိုးပင်ဖြစ်ပါရေ။ “၀” တိစွာ ဗမာကွန်မြူနစ်တိနန့် ပေါင်းကြည့်ခရေ။ ယင်းအတွက်နန့်  ဗမာတိအမျိုးသားအကျိုးစီးပွါးစွာ ဇာချင့်လဲ ဇာပိုင်ဦးတည်ချက်တိထားပနာလားနိန်ကတ်လဲဆိုစွာကို အရိပ်ကျပနာ အသာချေလမ်းခွဲပြီးကေ ကိုယ့်လမ်းကြောင်းအတိုင်းကိုယ်လားခကတ်တေ။ အဂုဆိုကေ လူဦးရေ ငါးသိန်းကျော်လောက်ရာဟိရေ “၀” လူမျိုးနန့် “၀”ပြည်စွာ မြန်မာနိုင်ငံထဲက သီးခြားလွတ်လပ်တေ တိုင်းပြည်ချေတစ်ပြည်လို့  ပြောကတ်ရပါဖို့ ။

အစိုင်ပျက်လာရေ ရခိုင်သားတိက အဂုထက်ထိ ကိုယ်ပိုင်နိုင်ငံရေးဂိမ်းကို ကဇတ်ဖို့ မတတ်သိမ့်လို့ ပြောကေ လွန်လီဖို့ မထင်ပါ။ ဗမာတိနောက်ကိုလိုက်ပနာ ကိုယ့်စွာကိုယ် အမြင်ကျယ်ရေလို့ ထင်နိန်ကတ်တေ ရခိုင်သားတိကလေ့ အများကြီး။ ဂိမ်း၏သဘောသဘာဝနန့်  လိုက်နာကျင့်သုံးရဖို့  စည်းမျဉ်းကျင့်ဝတ်တိကို မသိရေ ယောင်ခြောက်ဆယ်တိပါနိန်ခြင်းက
ရခိုင်ရို့ နိုင်ငံရေးစွာ ကြည့်လို့ မကောင်းရေ ဂိမ်းပျက်တစ်ခုဖြစ်နိန်ရေ။ ပိုဆိုးနိန်စွာက ထိုလူ့ ကိုမကောင်းပြော ဒေလူ့ ကို မကောင်းပြော ရခိုင်သားအချင်းချင်းကြားမှာ မနာလိုကြီးကျလို့ အားမရသိမ့် ရခိုင်အကြောင်းကို ဗမာတိဘားမှာ လားပြီးကေ သတော်ဦးတင်သိမ့်ရေ ရခိုင်မသားတိကလေ့ တပုံကြီး။

ပိုင်ပိုင်နိုင်နိုင် ကျွမ်းကျွမ်းကျင်ကျင် နိုင်ငံရေးဂိမ်းသစ်တစ်ခုကို ကဇတ်နိုင်ဖို့  ရခိုင်သားတိမှာ ဇာချင့်တိလိုအပ်နိန်လဲ။ သေချာနိန်စွာက ဘောလုံးအသင်းတစ်သင်းအင်အားတောင့်ဖို့  ဘောလုံးသမားကောင်းတိ လိုအပ်တေပိုင် နိုင်ငံရေးဂိမ်းကို ကဇတ်ဖို့  နိုင်ငံရေးသမားကောင်းတိအများကြီးလိုအပ်တေ။ ဘောလုံးသမားကို အချေကပင် ပြုစုပျိုးထောင်မွီးမြူရရေပိုင် နိုင်ငံရေးသမားတိလေ့ အတူတူဗျာယ်။ အမျိုးသားအကျိုးစီးပွါးကိုကြည့်ပနာ ကိုယ့်အချင်းချင်းထိခိုက်နစ်နာလားအောင်မလုပ်ရ အသင်းသားစိတ်ဓါတ်အပြည့်အ၀ဟိရဖို့ ဆိုရေ ခံယူချက်ယုံကြည်ချက်နန့်  တစ်ယောက်ကိုတစ်ယောက် မဟိမဖြစ်လိုအပ်တေ နိုင်ငံရေးဂိမ်းကဇတ်ဖော်ကဇတ်ဖက်လို့  သဘောထားနိုင်ကေ အနာဂတ်မှာ ရခိုင်သားတိ ဇာဂိမ်းကိုမဆို ကဇတ်ဖို့  အဆင်သင့်ဖြစ်လာနိုင်စွာက ကျိန်းသီနိန်ပါရေ။

သင်္ခါရကို သီဒဏ်ချလိုက်တေလူ အသူလဲ...

ပစ္စည်းသင်္ခါရ
လူသင်္ခါရ
အေအမ်ပီမှာ
မန်ဘာဖြစ်ရစွာလေ့ သင်္ခါရ...၊


နိန့် မြင်ညဥ့်ပျောက်
အနုချေတိထွက်လာကေ
ဆိတ်ပဇထဲကိုရောက်...၊


အိတ်ပေါက်နန့် ဖားကောက်
ကိုယ့်ဖောက်တေလမ်းကို ကိုယ်ဖျောက်
မာနတိနန့် နဖူးမောက်
မောဟကိုသောက်ပနာ ဒုံးဘောက်ဆောက်....၊


ပြောလိုက်ကေ စကားကြီး
လုပ်လိုက်ကေ ခွီးချီးပိုင်
အနံ့ ချေကတလှိုင်လှိုင်...၊


ကိုယ့်အပြစ်ကို ကိုယ်မမြင်
အာဏာအတုကို ဆရာတင်
ဘ၀င်လီဟပ်
သူ့ လုပ်ရပ်ကို မှန်ရေလတ်
လူတိက၀ိုင်းရယ်ကတ်.....၊


ဟီးဟီး ဟားဟား
ဟီးဟီး ဟား
လူကြားလို့  မကောင်းပါဂါး..။ ။ ။